ຕາລາງລາຍການ FM93Mhz

ໃນທົ່ວໂລກມີ 160 ກວ່າປະເທດຮ່ວມກັນກັບປະເທດຈີນຢືນຢູ່ຄຽງຂ້າງຂອງຄວາມຍຸຕິທຳ

2022-08-06 13:11:57 cri

ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 5 ສິງຫາ 2022, ທ່ານນາງຮ້ວາຊຸ່ນຢີງ ໂຄສົກະຊວງການຕ່າງປະເທດຈີນກ່າວວ່າ: ພາຍຫຼັງ ນາງແນນຊີ ເປໂລຊີ ປະທານສະພາຕ່ຳອາເມຣິກາຢ້ຽມຢາມເຂດໄຕ້ຫວັນຂອງຈີນເປັນຕົ້ນມາ, ມີ 160 ກວ່າປະເທດໃນໂລກໄດ້ສົ່ງສຽງທີ່ເປັນທຳ ໂດຍພາກັນກ່າວປະນາມ ນາງເປໂລຊີ ຢ້ຽມຢາມເຂດໄຕ້ຫວັນຂອງຈີນ ເຊິ່ງເປັນການກະທຳທ້າທາຍເກາະຜິດຢ່າງຮ້າຍແຮງ, ທັງກ່າວວ່າຈະຍຶດໝັ້ນຫຼັກການປະເທດຈີນດຽວ, ສະໜັບສະໜູນປະເທດຈີນປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງຕົນ.

ທ່ານນາງຮ້ວາຊຸ່ນຢິງ ກ່າວວ່າ: ປະຊາຊົນຂອງປະເທດເກືອບ 90% ໃນໂລກ ຫຼື ປະຊາກອນໂລກຫຼາຍກວ່າ 80% ໄດ້ຢືນຢູ່ຄຽງຂ້າງຂອງປະເທດຈີນ. ພວກເຮົາລ້ວນແຕ່ມີຈຸດຢືນຕ້ອງເຄົາລົບນັບຖືວັດຖຸປະສົງແລະຫຼັກການຂອງກົດບັດອົງການສະຫະປະຊາຊາດ, ປະຕິບັດຕາມຫຼັກການພື້ນຖານດ້ານການພົວພັນສາກົນ, ເດັດດ່ຽວຄັດຄ້ານປະເທດໃດໆ ແຊກແຊງວຽກງານພາຍໃນຂອງປະເທດອື່ນ ແລະລ່ວງລະເມີດອະທິປະໄຕແລະຜືນແຜ່ນດິນອັນຄົບຖ້ວນຂອງປະເທດອື່ນ. ປັດຈຸບັນຢູ່ເບື້ອງຫຼັງຂອງປະເທດຈີນມີ 160 ກວ່າປະເທດຮ່ວມກັນຢືນຢູ່ຄຽງຂ້າງຂອງຄວາມຖືກຕ້ອງທາງປະຫວັດສາດ, ຢືນຢູ່ຄຽງຂ້າງຂອງຄວາມຍຸຕິທຳ. ອາເມຣິກາແລະລູກນ້ອງຂອງເຂົາຖ້າວ່າເຄົາລົບນັບຖືປະຊາທິປະໄຕຢ່າງແທ້ຈິງ, ກໍຄວນຮັບຟັງແລະເຄົາລົບນັບຖືສຽງຂອງປະຊາຊົນຈີນຈຳນວນຫຼາຍກວ່າ 1,4 ຕື້ຄົນ ແລະ ຄວນຮັບຟັງ ທັງເຄົາລົບນັບຖືສຽງຂອງປະຊາຊົນຂອງປະເທດທີ່ບໍ່ແມ່ນປະເທດຕາເວັນຕົກທັງຫຼາຍ ທີ່ກວມປະຊາກອນຂອງໂລກເກືອບ 90%.