ກອງປະຊຸມລັດຖະມົນຕີການຕ່າງປະເທດອາຊຽນຄັ້ງທີ　55　ແລະກອງປະຊຸມປ່ິນອ້ອມຕ່າງໆທີ່ຈັດຂຶ້ນຢູ່ນະຄອນຫຼວງພະນົມເປັນປະເທດກຳປູເຈຍໄດ້ອັດລົງຢ່າງຈົບງາມໃນວັນທີ　6　ສິງຫານີ້，ກອງປະຊຸມໄດ້ຜ່ານຮັບຮອງເອກະສານກ່ຽວກັບການຮ່ວມມືພາກພື້ນປະມານ　30　ສະບັບ．

ກຳປູເຈຍແມ່ນປະເທດປະທານໝູນວຽນຂອງອາຊຽນປະຈຳປີ　2022，ທ່ານປຣັກ　ໂຊຄຸນ　ຮອງນາຍົກລັດຖະມົນຕີທັງເປັນລັດຖະມົນຕີກະຊວງການຕ່າງປະເທດກຳປູເຈຍໄດ້ກ່າວໃນກອງປະຊຸມຖະແຫຼງຂ່າວພາຍຫຼັງກອງປະຊຸມສິ້ນສຸດລົງວ່າ：ລັດຖະມົນຕີການຕ່າງປະເທດຂອງບັນດາປະເທດສະມາຊິກອາຊຽນໄດ້ທົບທວນຄືນຄວາມຄືບໜ້າທີ່ໄດ້ຮັບນັບມາຮອດປັດຈຸບັນໃນດ້ານການເພີ່ມທະວີການສ້າງປະຊາຄົມອາຊຽນ，ການຊຸກຍູ້ການເຊື່ອມໂຍງພາກພື້ນພ້ອມທັງການເພີ່ມທະວີການຮ່ວມມືລະຫວ່າງອາຊຽນກັບຄູ່ຮ່ວມມືພາຍນອກ．

ລັດຖະມົນຕີການຕ່າງປະເທດອາຊຽນຍັງໄດ້ຢືນຢັນວ່າ：ຈະສຸມໃສ່ການຮັບປະກັນການປະຕິບັດສັນຍາກ່ຽວກັບສາຍພົວພັນຄູ່ຮ່ວມເສດຖະກິດຮອບດ້ານໃນພາກພື້ນຫຼືＲＣＥＰເພື່ອຍົກສູງແຮງດຶງດູດຂອງອາຊຽນຕໍ່ການຄ້າ　ການລົງທຶນແລະຕ່ອງໂສ້ການສະໜອງ　ຂອງໂລກ．

　ກອງປະຊຸມລັດຖະມົນຕີການຕ່າງປະເທດອາຊຽນຄັ້ງທີ　55　ແລະກອງປະຊຸມປິ່ນອ້ອມຕ່າງໆໄດ້ຈັດຂຶ້ນຢູ່ກຳປູເຈຍລະຫວ່າງວັນທີ　30　ກໍລະກົດຮອດວັນທີ　6　ສິງຫານີ້，ລັດຖະມົນຕການຕ່າງປະເທດແລະຜູ້ຕາງໜ້າຈາກ　38　ປະເທດໄດ້ເຂົ້າຮ່ວມກອງປະຊຸມ，ໄດ້ຜ່ານຮັບຮອງແລະອະນຸມັດເອກະສານກ່ຽວກັບການຮ່ວມມືພາກພື້ນປະມານ　30　ສະບັບເຊິ່ງພົວພັນເຖິງຂົງເຂດການເມືອງ　ຄວາມໝັ້ນຄົງ　ເສດຖະກິດ　ສັງຄົມແລະວັດທະນະທຳເປັນຕົ້ນ．