ວັນທີ　8　ສິງຫານີ້，ທ່ານລີສົ່ງ　ເອກອັກຄະລັດຖະທູດຈີນກ່ຽວກັບວຽກງານການຫຼຸດກຳລັງຮົບໄດ້ປະກອບຄຳເຫັນໃນກອງປະຊຸມພິຈາລະນາສົນທິສັນຍາບໍ່ແຜ່ຜາຍອາວຸດນີວເຄລຍຄັ້ງທີ　10　ທີ່ຈັດຂຶ້ນຢູ່ສຳນັກງານໃຫຍ່ອົງການສະຫະປະຊາຊາດທີ່ນະຄອນນີວຢອກປະເທດອາເມຣິກາໂດຍໄດ້ບັນຍາຍຫຼັກໝັ້ນແລະຈຸດຢືນຂອງຈີນໃນບັນຫາບໍ່ແຜ່ຜາຍອາວຸດນີວເຄລຍຢ່າງຮອບດ້ານ，ເດັດດ່ຽວຄັດຄ້ານອາເມຣິກາ　ອັງກິດແລະອົສຕຣາລີດຳເນີນການຮ່ວມມືຜະລິດກຳປ່ັນດຳນ້ຳພະລັງງານນີວເຄລຍ，ພ້ອມທັງກ່າວເຕືອນຍີ່ປຸ່ນແລະປະເທດທີ່ກ່ຽວຂ້ອງ　ບໍ່ໃຫ້ຮຽນແບບ＂ການຮ່ວມກັນຊົມໃຊ້ນີວເຄລຍ＂ຢູ່ພາກພື້ນອາຊີ－ປາຊິຟິກ．

ທ່ານລີສົ່ງກ່າວເນັ້ນໜັກວ່າ：ການຮ່ວມມືຜະລິດກຳປັ່ນດຳນ້ຳພະລັງງານ　ນີວເຄລຍລະຫວ່າງອາເມຣິກາ　ອັງກິດແລະອົສຕຣາລີແມ່ນບໍ່ເຄີຍມີຕົວຢ່າງມາກ່ອນໃນປະຫວັດສາດ，ເປັນການແຜ່ຜາຍອາວຸດນີວເຄລຍລະດັບຕຳລາແບບຮຽນ．ໃນຖານະເປັນປະເທດພາຄີໃນສົນທິສັນຍາບໍ່ແຜ່ຜາຍອາວຸດນີວເຄລຍ，ໃນຖານະເປັນປະເທດທີ່ມີອາວຸດນີວເຄລຍ，ອາເມຣິກາແລະອັງກິດແມ່ນບັງອາດຕົກລົງໂອນປະຕິກອນພະລັງງານສຳລັບກຳປັ່ນດຳນ້ຳນີວເຄລຍແລະທາດຢູເລນຽມທີ່ມີ　ຄວາມເຂັ້ມຂຸ້ນສູງລະດັບຜະລິດອາວຸດນັບເປັນໂຕນໃຫ້ແກ່ປະເທດທີ່ບໍ່ມີອາວຸດນີວເຄລຍເຊິ່ງເປັນການສ້າງຄວາມສ່ຽງດ້ານການແຜ່ຜາຍຢ່າງໜັກໜ່ວງແລະໄດ້　ເຜີຍແບໃຫ້ເຫັນຢ່າງເຕັມສ່ວນເຖິງ＂ສອງມາດຕະຖານ＂ຂອງສອງປະເທດດັ່ງກ່າວ．ການຮ່ວມມືຜະລິດກຳປ່ັນດຳນ້ຳພະລັງງານນີວເຄລຍລະຫວ່າງສາມປະເທດດ່ັງກ່າວເປັນໄພຂົ່ມຂູ່ຕໍ່ຄວາມໝັ້ນຄົງຂອງບັນດາປະເທດຢູ່ພາກພື້ນອາຊີ－ປາຊິຟິກ，ສ້າງຄວາມເປັັນປໍລະປັກກັນລະຫວ່າງຝ່າຍ，ກະຕຸ້ນການ　ຊ່ວງເສັງກຳລັງຮົບ，ເປັນການສ້າງຜົນເສຍຫາຍຢ່າງໜັກໜ່ວງໃຫ້ແກ່ເຂດປອດນີວເຄລຍຢູ່ມະຫາສະໝຸດປາຊິຟິກໃຕ້ແລະເຂດບໍ່ມີອາວຸດນີວເຄລຍຢູ່ອາຊີຕາເວັນອອກສຽງໃຕ້，ເປັນການຢຽບຢ່ຳຈຸດປະສົງແລະວັດຖຸປະສົງຂອງສົນທິສັນຍາຢ່າງເປີດແປນ．ຝ່າຍຈີນທວງໃຫ້ສາມປະເທດດ່ັງກ່າວຈົ່ງແກ້ໄຂຄວາມຜິດພາດ，ຍົກເລີກຄຳຕົກລົງດຳເນີນການຮ່ວມມືຜະລິດກ່ຳປ່ັນດຳນ້ຳພະລັງງານນີວເຄລຍທີ່ກ່າວມາເທິງນີ້，ເຮັດເລື່ອງດີຕົວຈິງເຂົ້າໃນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນອາຊີ－ປາຊິຟິກ．