ຕໍ່ກັບຖ້ອຍຄຳຂອງອະດີດສະມາຊິກສະພາຍີ່ປຸ່ນທີ່ກ່າວວ່າ　ຍີ່ປຸ່ນຄອງຖານະການນຳຕໍ່ສາທາລະນະລັດເກົາຫຼີແລະອື່ນໆ，ທ່ານວ່າງເວີນປິ່ນ　ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວໃນວັນທີ　9　ສິງຫານີ້ວ່າ，ຝ່າຍຈີນຮູ້ສຶກຕື່ນຕົກໃຈຕໍ່ຄຳເວົ້າທີ່ກ່ຽວຂ້ອງຂອງຝ່າຍຍີ່ປຸ່ນ，ສິ່ງນີ້ໄດ້ສ່ອງແສງໃຫ້ເຫັນຈາກດ້ານໜຶ່ງເຖິງທັດສະນະປະຫວັດສາດຂອງຍີ່ປຸ່ນທີ່ບິດເບືອນຄວາມຈິງມາເປັນເວລາຍາວນານ．

ອີງຕາມການລາຍງານຂ່າວ，ທ່ານເຊອິຊີໂຣ　ເອໂຕ　ອະດີດຮອງປະທານສະພາຕ່ຳຂອງຍີ່ປຸ່ນທີ່ເປັນສະມາຊິກສະພາສັງກັດພັກເສລີປະຊາທິປະໄຕຍີ່ປຸ່ນໄດ້ກ່າວໃນຫວ່າງມໍ່ໆມານີ້ວ່າ：ສາທາລະນະລັດເກົາຫຼີເຄີຍເປັນຫົວເມືອງຂຶ້ນຂອງຍີ່ປຸ່ນ，ເວົ້າໃນດ້ານຄວາມໝາຍໃດໜຶ່ງແລ້ວ，ຍີ່ປຸ່ນແມ່ນຊົງຕົວຄ້າຍຄືກັບ＂ອ້າຍໃຫຍ່＂，ສາຍພົວພັນຍີ່ປຸ່ນ－ສາທາລະນະລັດເກົາຫຼີບໍ່ແມ່ນສະເໝີພາບກັນ，ຍີ່ປຸ່ນຄວນຄອງຖານະການນຳ．

ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ，ທ່ານວ່າງເວີນປິ່ນໄດ້ກ່າວວ່າ：＂ໃນສາຍພົວພັນສາກົນ，ບໍ່ວ່າປະເທດໃຫຍ່ຫຼືນ້ອຍ　ເຂັ້ມແຂງຫຼືອ່ອນແອ　ຮັ່ງມີຫຼືວ່າທຸກຍາກ　ລ້ວນແຕ່ສະເໝີພາບກັນ．ນັກການເມືອງຈຳນວນໜຶ່ງຂອງຍີ່ປຸ່ນບໍ່ຮູ້ຈັກອັບອາຍຕໍ່ປະຫວັດສາດທີ່ອັບອາຍຂາຍໜ້າຂອງປະເທດຕົນທີ່ຮຸກຮານແລະເອົາປະເທດອື່ນເປັນຫົວເມືອງຂຶ້ນ，ແຕ່ຊ້ຳພັດຮູ້ສຶກພາກພູມໃຈ，ມາຮອດປັດຈຸບັນຍັງຄົງມີທ່າທີຈອງຫອງທີ່ຖືຕົນຢູ່ເໜືອຜູ້ອື່ນແລະສາມາດຊີ້ບົ່ງຜູ້ອື່ນ，ນີ້ໄດ້ເຮັດໃຫ້ຄົນດູຖູກ．ສິ່ງນີ້ໄດ້ສ່ອງແສງໃຫ້ເຫັນຈາກດ້ານໜຶ່ງເຖິງທັດສະນະປະຫວັດສາດຂອງຍີ່ປຸ່ນທີ່ບິດເບືອນມາຄວາມຈິງເປັນເວລາຍາວນານ，ເຫດຜົນຊັ້ນເລິກທີ່ຢູ່ເບື້ອງຫຼັງຂອງມັນແລະຜົນກະທົບດ້ານລົບທີ່ແຝງຊ້ອນຢູ່ແມ່ນເປັນໜ້າຕຶກຕອງແລະລະມັດລະວັງສຳລັບປະຊາຄົມໂລກ．＂