ຕາລາງລາຍການ FM93Mhz

ຈີນຍື່ນສັນຍາໃຈກາງສອງສະບັບໄປຍັງອົງການແຮງງານສາກົນສະແດງໃຫ້ເຫັນຫຼັກໝັ້ນທີ່ເດັດດ່ຽວຂອງຈີນອີກເທື່ອໜຶ່ງໃນການຕໍ່ຕ້ານແລະໂຈມຕີການບີບບັງຄັບການອອກແຮງງານ

2022-08-16 15:22:26 cri

      ຕາມຂ່າວແຈ້ງໃຫ້ຮູ້ວ່າ: ຈີນໄດ້ຍື່ນໃບອະນຸມັດ “ສັນຍາວ່າດ້ວຍການບີບບັງຄັບການອອກແຮງງານປີ 1930” ແລະ “ສັນຍາວ່າດ້ວຍການລົບລ້າງການບີບບັງຄັບການອອກແຮງງານປີ 1957” ໄປຍັງອົງການແຮງງານສາກົນ. ຕໍ່ກັບເລື່ອງນີ້, ທ່ານ ຫວ່າງເຫວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 15 ສິງຫານີ້ໂດຍເນັ້ນໜັກວ່າ: ນີ້ໄດ້ສະແດງໃຫ້ເຫັນຫຼັກໝັ້ນທີ່ເດັດດ່ຽວຂອງລັດຖະບານຈີນອີກເທື່ອໜຶ່ງໃນການປົກປ້ອງສິດແລະຜົນປະໂຫຍດຂອງຜູ້ອອກແຮງງານ,ຕໍ່ຕ້ານແລະໂຈມຕີການບີບບັງຄັບການອອກແຮງງານ.

      ສັນຍາເລກທີ 29 ແລະສັນຍາເລກທີ 105 ແມ່ນສັນຍາໃຈກາງຂອງອົງການແຮງງານສາກົນ, ແມ່ນກົດໝາຍສາກົນທາງລາຍລັກອັກສອນທີ່ສຳຄັນທີ່ສຸດໃນຂົງເຂດລົບລ້າງການບີບບັງຄັບການອອກແຮງງານ. ວັນທີ 20 ເມສາປີນີ້, ກອງປະຊຸມຄັ້ງທີ 34 ຂອງ ຄະນະກຳມະການປະຈຳສະພາປະຊາຊົນແຫ່ງຊາດຈີນຊຸດທີ 13 ໄດ້ຕົກລົງແລະອະນຸມັດໃຫ້ຜ່ານສັນຍາສອງສະບັບດັ່ງກ່າວ. ລັດຖະບານຈີນໄດ້ຕໍ່ຕ້ານການບີບບັງຄັບການອອກແຮງງານມາໂດຍຕະຫຼອດ, ການທີ່ອະນຸມັດໃຫ້ຜ່ານສັນຍາສອງສະບັບດັ່ງກ່າວຢ່າງເປັນເຈົ້າການໄດ້ສະແດງໃຫ້ເຫັນຫຼັກໝັ້ນຂອງລັດຖະບານຈີນອີກເທື່ອໜຶ່ງໃນການປົກປ້ອງສິດແລະຜົນປະໂຫຍດຂອງຜູ້ອອກແຮງງານ,ຕໍ່ຕ້ານແລະໂຈມຕີການບີບບັງຄັບການອອກແຮງງານ.