ຕາລາງລາຍການ FM93Mhz

ທ່ານສີຈິ້ນຜິງສົ່ງສານສະແດງຄວາມເຫັນໃຈໄປຍັງປະທານາທິບໍດີເອຢິບເພື່ອສະແດງຄວາມຢື້ຢາມຖາມຂ່າວຕໍ່ເອຢິບເກີດເຫດການໄຟໄໝ້

2022-08-17 11:51:31 CRI

     ວັນທີ 16 ສິງຫາປີ 2022 ນີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານສະແດງຄວາມເຫັນໃຈໄປຍັງທ່ານອັບເດວ ຟັດຕາ ອານ ຊີຊີ ປະທານາທິບໍດີເອຢິບເພື່ອສະແດງຄວາມຢື້ຢາມຖາມຂ່າວກ່ຽວກັບເອຢິບເກີດເຫດການໄຟໄໝ້ຢູ່ໃນໂບດ.


     ເນື້ອໃນສານຂອງທ່ານສີຈິ້ນຜິງລະບຸວ່າ: ຂ້າພະເຈົ້າຮູ້ສຶກຕື່ນຕົກໃຈເມື່ອໄດ້ຮູ້ຂ່າວກ່ຽວກັບເອຢິບເກີດເຫດການໄຟໄໝ້ຢູ່ໃນໂບດ, ເຮັດໃຫ້ມີຜູ້ເສຍຊີວິດແລະບາດເຈັບເປັນຈຳນວນຫຼວງຫຼາຍ. ຂ້າພະເຈົ້າຂໍຕາງໜ້າລັດຖະບານຈີນແລະປະຊາຊົນຈີນ ແລະໃນນາມສ່ວນຕົວ, ສະແດງຄວາມໄວ້ອາໄລຢ່າງສຸດຊຶ້ງຕໍ່ຜູ້ປະສົບເຄາະຮ້າຍ, ພ້ອມທັງສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ຄອບຄົວຜູ້ປະສົບເຄາະຮ້າຍແລະຜູ້ໄດ້ຮັບບາດເຈັບ, ຂໍໃຫ້ຜູ້ໄດ້ຮັບບາດເຈັບຟື້ນຟູສຸຂະພາບໂດຍໄວເທົ່າທີ່ຈະໄວໄດ້.