ວັນທີ　8　ກັນຍານີ້，ຫ້ອງການຫົວໜ້າໄອຍະການຂອງກະຊວງຍຸຕິທຳຟິລິປິນໄດ້ອອກຖະແຫຼງການໂດຍລະບຸວ່າ：ຟິລິບປິນປະຕິເສດສານອາຍາສາກົນທີ່ດຳເນີນການສຳຫຼວດການເຄື່ອນໄຫວປາບປາມຢາເສບຕິດຂອງຟິລິປິນຄືນໃໝ່，ທ່ານໂຣດຸຣິໂກ　ດູເຕີເຕ　(Rodrigo Duterte)ອະດີດປະທານາທິບໍດີຟິລິປິນບໍ່ມີການກະທຳທີ່ “ຕ້ານມະນຸດ”ໃນການເຄື່ອນໄຫວປາບປາມຢາເສບຕິດ, ເຈົ້າໜ້າທີ່ປະຕິບັດກົດໝາຍບໍ່ເຄີຍໄດ້ຖືປະຊາຊົນສາມັນເປັນເປົ້າໝາຍ.

ນອກນີ້,ໃນຖະແຫຼງການຂອງລັດຖະບານຟິລິປິນໄດ້ລະບຸວ່າ:ສານອາຍາສາກົນບໍ່ມີສິດຄຸ້ມຄອງຕໍ່ຟິລິປິນ.

ພາຍຫຼັງທ່ານໂຣດຸຣິໂກ ດູເຕີເຕ ອະດີດປະທານາທິບໍດີຟິລິປິນຂຶ້ນຄອງອຳນາດ ເມື່ອເດືອນມິຖຸນາປີ 2016 ແລ້ວ,ໄດ້ອອກແຮງປາບປາມການກະທຳຜິດດ້ານຢາເສບຕິດຢູ່ຟິລິປິນ,ມີຜູ້ກະທຳຜິດດ້ານຢາເສບຕິດຫຼາຍພັນຄົນເສຍຊີວິດໃນການເຄື່ອນໄຫວປາບປາມຢາເສບຕິດ.ເດືອມກຸມພາປີ 2018,ສານອາຍາສາກົນທີ່ມີ ສຳນັກງານໃຫຍ່ຕັ້ງຢູ່ນະຄອນລາໄຮຂອງໂຮນລັງເຄີຍສະແຫວງຫາການເລີ່ມດຳເນີນລະບຽບການທີ່ກ່ຽວຂ້ອງເພື່ອດຳເນີນການສຳຫຼວດຕໍ່ການເຄື່ອນໄຫວປາບປາມຢາເສບຕິດຂອງທ່ານດູເຕີເຕໂທດຖານ “ຕ້ານມະນຸດ”．ເດືອນມີນາປີ　2019，ຟິລິປິນໄດ້ຖອນຕົວອອກຈາກສານອາຍາສາກົນຢ່າງເປັນທາງການ．