ໃນກອງປະຊຸມຖະແຫຼງຂ່າວໃນວັນທີ 11 ຕຸລານີ້，ທ່ານນາງໝາວໜິງ ໂຄສົກກະຊວງການຕ່າງປະເທດຈີນໄດ້ກ່າວວ່າ：ຈີນຍິນດີໃຫ້ການຊ່ວຍເຫຼືອກູ້ໄພຕາມຄວາມສາມາດແກ່ບັນດາປະເທດໃນທະວີບອາເມຣິກາໃຕ້ ແລະ ທະວີບອາເມຣິກາລາຕິນທີ່ຖືກຜົນກະທົບຈາກລົມພະຍຸເຮີຣິເຄນ.

   ມີລາຍງານຂ່າວແຈ້ງໃຫ້ຮູ້ວ່າ：ຫວ່າງມໍ່ໆນີ້，ລົມພະຍຸເຮີຣິເຄນ “ຈູເຣຍ”ໄດ້ ພັດຖະຫຼົ່ມບັນດາປະເທດໃນທະວີບອາເມຣິກາໃຕ້ ແລະ ທະວີບອາເມຣິກາລາຕິນ ເຊັ່ນ:ເວເນຊຸເອລາ ໂກລົມເບຍ ປານາມາແລະອື່ນໆ, ໄດ້ທຳລາຍພາກພື້ນທີ່ກ່ຽວຂ້ອງແລະເຮັດໃຫ້ມີຜູ້ເສຍຊີວິດແລະບາດເຈັບ.

   ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ທ່ານນາງໝາວໜິງກ່າວວ່າ:

“ຈີນສະແດງຄວາມໄວ້ອາໄລຕໍ່ຜູ້ປະສົບເຄາະຮ້າຍ，ສະແດງຄວາມເຫັນໃຈຕໍ່ຄອບຄົວຂອງຜູ້ປະສົບເຄາະຮ້າຍແລະຜູ້ບາດເຈັບ. ພວກເຮົາເຊື່ອວ່າ：ລັດຖະບານແລະປະຊາຊົນທີ່ກ່ຽວຂ້ອງຍ່ອມຈະສາມາດເອົາຊະນະໄພພິບັດໂດຍໄວ，ແລະສ້າງບ້ານເມືອງທີ່ສວຍງາມຄືນໃໝ່.ຈີນຍິນດີໃຫ້ການຊ່ວຍເຫຼືອກູ້ໄພຕາມຄວາມສາມາດ.”