ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານຫຼຽງກົວຢງ ນັກເສດຖະສາດຜູ້ອາວຸໂສຂອງສະພາການຄ້າແລະການພັດທະນາອົງການ ສປຊ ໄດ້ກ່າວໃນກ່ອນໜ້ານີ້ວ່າ: ປີ 2021, ຈີນໄດ້ນຳພາການຟື້ນຟູດ້ານການຄ້າແລະເສດຖະກິດຂອງໂລກ.
ອົງຕາມຜົນການຄາດຄະນີຫຼ້າສຸດຂອງສະພາການຄ້າແລະການພັດທະນາອົງການ ສປຊ, ປີ 2021, ມູນຄ່າການຄ້າສິນຄ້າແລະການບໍລິການທົ່ວໂລກອາດຈະເພີ່ມຂຶ້ນ 23% ເມື່ອທຽບໃສ່ປີກ່ອນ ເຊິ່ງຈະມີມູນຄ່າເຖິງ 28000 ຕື້ໂດລາສະຫະລັດ. ໃນນັ້ນ, ມູນຄ່າສິນຄ້າມີ 22.000 ຕື້ໂດລາສະຫະລັດ ສ້າງສະຖິຕິສູງສຸດຄັ້ງໃໝ່ໃນປະຫວັດສາດ, ມູນຄ່າການຄ້າການບໍລິການມີ 6000 ຕື້ໂດລາສະຫະລັດ ເຊິ່ງຕ່ຳກວ່າລະດັບກ່ອນມີການແຜ່ລະບາດຂອງພະຍາດໂຄວິດ-19.
ທ່ານຫຼຽນກົວຢົງກ່າວວ່າ: ປີ 2021, ການຄ້າຕໍ່ຕ່າງປະເທດຂອງຈີນໄດ້ພັດທະນາໄປໃນແງ່ດີໂດຍພື້ນຖານ, ໜຶ່ງແມ່ນຍ້ອນໄດ້ຮັບຜົນກະທົບຈາກປັດໃຈພາຍນອກຕ່າງໆ ເປັນຕົ້ນແມ່ນ: ການຟື້ນຟູດ້ານເສດຖະກິດຂອງໂລກ, ລາຄາສິນຄ້າລາຍໃຫຍ່ຖີບໂຕສູງຂຶ້ນ ແລະກຸ່ມເສດຖະກິດຕົ້ນຕໍທີ່ພັດທະນາແລ້ວມີຄວາມຕ້ອງການດ້ານການຄ້າສິນຄ້າຢ່າງຫຼວງຫຼາຍ, ສອງແມ່ນຍ້ອນວ່າຈີນມີທ່າແຮງພິເສດຂອງຕົນ.
ທ່ານຫຼຽງກົວຢົງກ່າວຕື່ມວ່າ: ຈັງຫວະການເຕີບໂຕຂອງມູນຄ່າຂາເຂົ້າຂາອອກຂອງຈີນໃນປີຜ່ານມາໄດ້ຢູ່ໃນແຖວໜ້າຂອງກຸ່ມເສດຖະກິດຕົ້ນຕໍ, ພ້ອມກັນນັ້ນ, ຈີນສືບຕໍ່ຊຸກຍູ້ການເປີດປະຕູສູ່ພາຍນອກທີ່ມີລະດັບສູງ, ເປີດກວ້າງການເປີດປະຕູໃນຂົງເຂດການບໍລິການຕ່າໆຢ່າງມີລະບຽບ ເຊັ່ນຂົງເຂດໂທລະຄົມ, ການປິ່ນປົວພະຍາດແລະອື່ນໆ, ຈີນຍັງໄດ້ຈັດາງານວາງສະແດງສິນຄ້ານຳເຂົ້າສາກົນ ແລະງານຕະຫຼາດນັດການຄ້າການບໍລິການສາກົນຈີນ ເຊິ່ງເປັນງານມະໂຫລານດ້ານເສດຖະກິດການຄ້າສາກົນສອງຄັ້ງ, ໄດ້ນຳພາການຟື້ນຟູດ້ານການຄ້າຂອງໂລກ, ມີຄວາມໝາຍສຳຄັນຫຼາຍຕໍ່ກັບການຄ້າຂອງໂລກ.
ຄຳເຫັນ
0