ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ກໍລະນີທີ່ນັກວິຊາການໃນສາກົນໄດ້ຕຳໜິວິຈານປະຊາທິປະໄຕແບບອາເມຣິກາແລະອັນທີ່ເອີ້ນວ່າ “ກອງປະຊຸມສຸດຍອດປະຊາທິປະໄຕ” ທີ່ຈັດໂດຍອາເມຣິກາ, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ກ່າວໃນວັນທີ 31 ທັນວາປີ 2021 ແລ້ວນີ້ວ່າ: ອາເມຣິກາຄວນໃຫ້ຄວາມສຳຄັນຕໍ່ສຽງຕຳນິວິຈານທີ່ສົມເຫດສົມຜົນຂອງປະຊາຄົມໂລກ, ສຳນຶກເຖິງຄວາມຜິດຂອງຕົນຢ່າງເລິກເຊິ່ງ, ປົດໜ້າກາກຈອມປອມທີ່ມີສອງມາດຕະຖານຕໍ່ປະຊາທິປະໄຕ, ແກ້ໄຂບັນຫາພາຍໃນປະເທດຕົນດ້ວຍການກະທຳຕົວຈິງ ແລະຕອບສະໜອງຄວາມເປັນຫ່ວງຂອງປະຊາຄົມໂລກ.
ທ່ານຈ້າວລີ້ຈ່ຽນກ່າວວ່າ: ຈີນມີຈຸດຢືນວ່າ: ປະຊາທິປະໄຕແມ່ນຄ່ານິຍົມຮ່ວມຂອງມວນມະນຸດ, ບໍ່ມີໃຜຈະສາມາດຕັ້ງໂຕເປັນປະລາມາຈານດ້ານປະຊາທິປະໄຕທີ່ເໜືອກວ່າປະເທດອື່ນ. ໃນຄວາມເປັນຈິງແລ້ວ, ອາເມຣິກາກໍບໍ່ມີສິດເປັນປະລາມາຈານແບບນີ້.
ທ່ານຈ້າວລີ້ຈ່ຽນກ່າວວ່າ: ອາເມຣິກາໄດ້ເບິ່ງຂ້າມບັນຫາແລະການກະທຳທີ່ຊົ່ວຊ້າຕ່າງໆຂອງຕົນ, ແລະປັ້ນແຕ່ງຫົວຂໍ້ປອມທີ່ວ່າ: “ປະຊາທິປະໄຕຕໍ່ຕ້ານຜະເດັດການ” ໂດຍຫັນເອົາບັນຫາປະຊາທິປະໄຕເປັນແບບເຄື່ອງໝາຍ ແລະເປັນບັນຫາການເມືອງ. ອັນທີ່ເອີ້ນວ່າ “ກອງປະຊຸມສຸດຍອດປະຊາທິປະໄຕ” ໄດ້ສິ້ນສຸດຢ່າງຟ້າວຝັ່ງຈິ່ງເປັນຜົນທີ່ຢູ່ໃນການຄາດຄິດ.
ຄຳເຫັນ
0