何斌

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ບຸກ​ຄົນ​ຫຼາຍ​ປະ​ເທດ​ປະ​ກອບ​ຄຳ​ຄິດຄຳ​ເຫັນ​​ຕໍ່​ຄຳ​ອວຍ​ພອນ​ປີ​ໃໝ່​ຂອງ​ທ່ານ​ສີ​ຈິ້ນ​ຜິງ

2022-01-02 17:14:50 CRI

ເນື່ອງ​ໃນ​ໂອ​ກາດ​ວັນ​ປີ​ໃໝ່​ສາ​ກົນ​ໝູນ​ວຽນ​ມາ​ເຖິງ​ນີ້, ທ່ານ​ສີ​ຈິ້ນ​ຜິງ ປ​ະ​ທານ​ປະ​ເທດ​ຈີນ​ໄດ້​ຜ່ານ​ສະ​ຖາ​ນີ​ວິ​ທະ​ຍຸ​ໂທ​ລະ​ພາບ​ສູນ​ກາງ​ຈີນ ແລະ ອິນ​ເຕີ​ເນັດ, ກ່າວ​ຄຳ​ອວຍ​ພອນ​ປີ​ໃໝ່​ສາ​ກົນ 2022, ບຸກ​ຄົນຫຼາຍ​ປະ​ເທດ​ໄດ້​ປະ​ກອບ​ຄວາມ​ຄິດ​ເຫັນ​ຢ່າງ​ຟົດ​ຟື້ນ, ໂດຍ​ເຫັນ​ວ່າ​ຄຳ​ອວຍ​ພອນ​ ​ໄດ້​ສະ​ແດງ​ໃຫ້​ເຫັນ​ເຖິງ​ຄວາມ​ຮັກ​ແພງ ແລະ ຄວາມ​ເອົາ​ໃຈ​ໃສ່ ຂອງ​ທ່ານ​ສີ​ຈິ້ນ​ຜິງທີ່​ມີ​ຕໍ່​ປະ​ຊາ​ຊົນ​ຈີນ.

ທ່ານຫຼີ​ຈື​ເວີນ​ ອະ​ດີດ​ເອກ​ອັກ​ຄະ​ລັດ​ຖະ​ທູດ​ແມັກ​ຊິກ​ປະ​ຈຳ​ຈີນກ່າວ​ວ່າ, ​ອັນ​ທີ່​ໜ້າ​ປະ​ທັບ​ໃຈທີ່​ສຸດ​ໃນຄຳ​ອວ​ຍ​ພອນ​ປີ​ໃໝ່​ຂອງ​ທ່ານ​ປະ​ທານ​ສີ​ຈິ້ນ​ຜິງ​ຄື: ຄວາມ​ຮັກ​ແພງ ແລະ​ຄວາມ​ເອົາ​ໃຈ​ໃສ່​ຂອງ​ທ່ານ​ປະ​ທານ​ສີ​ຈິ້ນ​ຜິງ​​ທີ່​ມີຕໍ່​ປະ​ຊາ​ຊົນ​ຈີນ. ຈີນ​ໄດ້​ແກ້​ໄຂ​ບັນ​ຫາ​ຄວາ​ມ​ທຸກ​ຍາກ​ເດັດ​ຖານ​ຄັ້ງ​ປະ​ຫວັດ​ສາດ, ນີ້​ເປັນ​ຜົນ​ສຳ​ເລັດ​ອັນ​ຍິ່ງ​ໃຫຍ່​ຄັ້ງ​ປະ​ຫວັດ​ສາດ. ນີ້​ແມ່ນ​ຜົນ​ສຳ​ເລັດ​ອັນ​ຍິ່ງ​ໃຫຍ່​ທີ່​ປະ​ຊາ​ຊົນ​ຈີນ​ພ້ອມ​ກັນ​ພະ​ຍາ​ຍາມ​ຍາດ​ມາ​ໄດ້, ເປັນ​​ໜ້າ​ຊົມ​ເຊີຍ​ທີ່​ສຸດ.

ບຸກ​ຄົນ​ຫຼາຍ​ປະ​ເທດ​ປະ​ກອບ​ຄຳ​ຄິດຄຳ​ເຫັນ​​ຕໍ່​ຄຳ​ອວຍ​ພອນ​ປີ​ໃໝ່​ຂອງ​ທ່ານ​ສີ​ຈິ້ນ​ຜິງ_fororder_20210102-2

ທ່ານ​ໂຈ​ຈີ ໂຊ​ໂກ​ພູ​ໂລ​ສ ນັກ​ວິ​ຊາ​ການ​ເກຼັກ​ທີ່​ເປັນ​ຊ່ຽວ​ຊານ​ຂອງ​ຄັງ​ປັນ​ຍາ​ສະ​ຫະ​ພາບ​ເອີ​ຣົບ​ກ່າວ​ວ່າ, ຈີນ​ຫວັງ​ຢາກ​ເສີມ​ຂະ​ຫຍາຍ​ບົດ​ບາດ​ທີ່​ຕັ້ງ​ໜ້າ​ໃນ​ການ​ສ້າງ​ຄວາມ​ສິ​ວິ​ໄລ ແລະ ສັນ​ຕິ​ພາບ​ຂອງ​ໂລກ, ໂດຍ​ສະ​ເພາະ​ພາຍ​ໃຕ້​ສະ​ພາບ​ການ​ທີ່​ພະ​ຍາດ​ໂຄວິດ-19 ແຜ່​ລະ​ບາດ​ຢ່າງ​ຮຸນ​ແຮງ​ໃນ​ທົ່ວ​ໂລກ, ບົດ​ບາດ​ຂອງ​ຈີນ​ຍິ່ງ​ມີ​ຄວາມ​ສຳ​ຄັນຫຼາຍ.

ບຸກ​ຄົນ​ຫຼາຍ​ປະ​ເທດ​ປະ​ກອບ​ຄຳ​ຄິດຄຳ​ເຫັນ​​ຕໍ່​ຄຳ​ອວຍ​ພອນ​ປີ​ໃໝ່​ຂອງ​ທ່ານ​ສີ​ຈິ້ນ​ຜິງ_fororder_微信图片_20220102171429

ທ່ານ​ເຊ​ບາ​ສ​ຕຽນ ເປ​ຣີ​ໂມ​ນີ ນັກ​ຄົ້ນ​ຄວ້າ​ຂອງ​ສະ​ຖາ​ບັນ​ຊີ​ເລີ​ປະ​ເທດ​ຝ​ຣັ່ງ​ກ່າວ​ວ່າ, ຈີນ​ໄດ້​ເສີ​ມ​ຂະ​ຫຍາຍ​ບົດ​ບາດ​ທີ່​ເປັນ​ແບບ​ຢ່າງ​ທີ່​ດີ​ໃນຫຼາຍ​ດ້ານ. ຫຼັງ​ຈາກ​ໄດ້​ສະ​ເໜີ​ຂໍ້​ລິ​ເລີ່ມ “ໜຶ່ງ​ແລວ​ໜຶ່ງ​ເສັ້ນ​ທາງ” ແລ້ວ, ໂດຍ​ສະ​ເພາະ​ແມ່ນ​ພາຍຫຼັງຫຼາຍ​ປະ​ເທດ​ໄດ້​ເຊັນ​ສັນ​ຍາ​ຮ່ວມ​ມື​ກັບ​ຈີນ​ເພື່ອ​ຮ່ວມ​ກັນ​ສ້າງ “ໜຶ່ງ​ແລວ​ໜຶ່ງ​ເສັ້ນ​ທາງ”​ແລ້ວ, ​ການ​ຮ່ວມ​ມື​ທີ່​ພົວ​ພັນ​ເຖິງ​ການ​ກໍ່​ສ້າງ​ພື້ນ​ຖານ​ໂຄງ​ລ່າງ, ​ການ​ພັດ​ທະ​ນາວິ​ທະ​ຍາ​ສາດ ເຕັກ​ໂນ​ໂລ​ຊີ ແລະ​ຂົງ​ເຂດ​ອື່ນໆ, ເຮັດ​ໃຫ້​ການ​ພັດ​ທະ​ນາ​ຂອງ​ໂລກ​ກ້າວ​ໄປ​ສູ່ຫຼາຍ​ຂົ້ວ​ກວ່າ​ເກົ່າ.

ຄຳ​ເຫັນ

0