ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ມັງກອນນີ້, ສື່ອາເມຣິກາລາຍງານວ່າ, ຄຽງຄູ່ກັບເຊື້ອພະຍາດໂຄວິດ-19 ກາຍພັນໂອມິຄຣອນແຜ່ລະບາດຢ່າງຮຸນແຮງຢູ່ອາເມຣິກາໃນຫວ່າງມໍ່ໆມານີ້, ສະພາບການແຜ່ລະບາດຂອງພະຍາດຢູ່ອາເມຣິກາໄດ້ຮ້າຍແຮງຂຶ້ນຢ່າງວ່ອງໄວ. ຜູ້ຊ່ຽວຊານດ້ານການແພດຫຼາຍທ່ານຂອງອາເມຣິກາກ່າວເຕືອນວ່າ, ໃນເດືອນທຳອິດຂອງປີ 2022, ການແຜ່ລະບາດຢ່າງວ່ອງໄວຂອງເຊື້ອພະຍາດໂຄວິດ-19 ອາດຈະເກີດມີ “ພາຍຸເຊື້ອພະຍາດ” ໃນທົ່ວປະເທດອາເມຣິກາ, ສັງຄົມອາເມຣິກາຈະໄດ້ຮັບຜົນກະທົບຢ່າງໜັກໜ່ວງ.
ສື່ອາເມຣິກາລາຍງານວ່າ, ອີງຕາມຂໍ້ມູນສະຖິຕິຂອງມະຫາວິທະຍາໄລຈອນສ ຮອບກິນສ, ນັບມາຮອດວັນທີ 31 ທັນວາປີ 2021 ຜ່ານມາ, ໃນ 7 ມື້ທີ່ຜ່ານມາ,ຈຳນວນຜູ້ເປັນພະຍາດໂຄວິດ-19 ທີ່ເພີ່ມໃໝ່ສະເລ່ຍຕໍ່ມື້ຢູ່ເມຣິກາມີຫຼາຍກວ່າ 386000 ກໍລະນີ, ເຊິ່ງເປັນສະຖິຕິສູງສຸດໃນປະຫວັດສາດ, ເທົ່າກັບວ່າ ໃນທຸກວິນາທີກໍມີ ຊາວອາເມຣິກາ 4,5 ຄົນເປັນພະຍາດໂຄວິດ-19.
ຄຳເຫັນ
0