ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປີ 2021, ອັດຕາໄພເງິນເຟີ້ຂອງອາເມຣິກາໄດ້ເພີ່ມຂຶ້ນ 6,8% ເມື່ອທຽບໃສ່ໄລຍະດຽວກັນຂອງປີ 2020 ເຊິ່ງເປັນສະຖິຕິສູງສຸດໃນຮອບ 40 ປີຜ່ານມາ. ໂດຍປະເຊີນໜ້າກັບໄພເງິນເຟີ້, ວິສາຫະກິດຂາຍຍ່ອຍໄດ້ຫຼຸດຈຳນວນຄ້າຂາຍແຕ່ບໍ່ຫຼຸດລາຄາ ເພື່ອຮັບມືກັບຕົ້ນທຶນທີ່ເພີ່ມຂຶ້ນພ້ອມໄພເງິນເຟີ້.
ນັກວິເຄາະເຫັນວ່າ: ປີ 2022, ອັດຕາໄພເງິນເຟີ້ຈະສືບຕໍ່ສູງຂຶ້ນ ເຊິ່ງຈະສົ່ງຜົນກະທົບໃຫ້ກັບຂະແໜງການຫຼາຍກວ່າເກົ່າ.
ນັກວິເຄາະກ່າວວ່າ: ຖ້າວ່າເຊື້ອພະຍາດໂອມິຄຣອນສືບຕໍ່ແຜ່ລະບາດຢ່າງກວາງຂວາງ, ອາຈະສ້າງຄວາມຫຍຸ້ງຍາກໃຫ້ກັບອະນາຄົດດ້ານການເຕີບໂຕຂອງເສດຖະກິດອາເມຣິກາໃນປີ 2022. ການຂົນສົ່ງສິງຄ້າໃນທົ່ວໂລກໄດ້ແອອັດຢ່າງຕໍ່ເນື່ອງ ຈະເຮັດໃຫ້ການສະໜອງສິນຄ້າມີຄວາມເຄັ່ງຕຶງຫຼາຍຂຶ້ນ ເຊິ່ງຈະເຮັດໃຫ້ລາຄາສິນຄ້າຖີບໂຕສູງຂຶ້ນຕື່ມອີກ. ພາຍໃຕ້ສະພາບການແບບນີ້, ບໍລິສັດໃຫ້ຄຳປຶກສາ ເດລອຍເຕ (Deloitte) ກ່າວວ່າ: ເສດຖະກິດອາເມຣິກາບໍ່ໄດ້ມີອັດຕາໄພເງິນເຟີ້ສູງມາຫຼາຍສິບປີແລ້ວ, ຂັ້ນບໍລິຫານຂອງວິສາຫະກິດກໍບໍ່ມີປະສົບການໃນການຮັບມືກັບສະພາບແວດລ້ອມອັດຕາໄພເງິນເຟີ້ສູງ, ດັ່ງນັ້ນ, ວິສາຫະກິດອາເມຣິກາຈະຮັບມືກັບການປ່ຽນແປງຂອງໄພເງິນເຟີ້ຢ່າງຖືກຕ້ອງແນວໃດ ຈະເປັນສິ່ງທ້າທາຍຂອງວິສາຫະກິດແລະຂະແໜງການ.
ຄຳເຫັນ
0