ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພະນັກງານສືບຂ່າວຂອງກະຊວງພາຍໃນອີຣັກໄດ້ຢືນຢັນໃນວັນທີ 3 ມັງກອນນີ້ວ່າ: ໃນມື້ດຽວກັນ, ສະໜາມບິນສາກົນນະຄອນຫຼວງແບັກແດດຂອງອີຣັກໄດ້ຖືກຫຼອນໂຈມຕີດ້ວຍເຮືອບິນບໍ່ມີຄົນຂັບທີ່ຕິດລະເບີດ 2 ລຳ ແຕ່ບໍ່ໄດ້ເຮັດໃຫ້ມີຜູ້ເສຍຊີວິດແລະບາດເຈັບ.
ພະນັກງານສືບຂ່າວທີ່ບໍ່ປະສົງອອກນາມຜູ້ນີ້ກ່າວຕໍ່ນັກຂ່າວວ່າ: ໃນຕອນຮຸ່ງເຊົ້າຂອງວັນທີ 3 ມັງກອນນີ້, ເຮືອບິນບໍ່ມີຄົນຂັບທີ່ຕິດລະເບີດສອງລຳໄດ້ຫຼອນໂຈມຕີຖານທັບຢູ່ສະໜາມບິນທີ່ເຄີຍມີທີ່ປຶກສາແລະອົງການຂອງອາເມຣິກາປະຈຳການຢູ່ຫັ້ນ,ແຕ່ເຮືອບິນທັງ 2 ລຳໄດ້ຖືກຍິງຕົກຈາກລະບົບປ້ອງກັນອາກາດຂອງຖານທັບດັ່ງກ່າວ. ການຫຼອນໂຈມຕີບໍ່ໄດ້ເຮັດໃຫ້ມີຜູ້ເສຍຊີວິດແລະບາດເຈັບ,ກອງປ້ອງກັນຄວາມໝັ້ນຄົງຂອງອີຣັກພວມດຳເນີນການສືບສວນເຫດການດັ່ງກ່າວ.
ປັດຈຸບັນ, ຍັງບໍ່ມີອົງການຫຼືບຸກຄົນໃດອອກມາຮັບຜິດຊອບຕໍ່ເຫດການດັ່ງກ່າວເທື່ອ.
ຄຳເຫັນ
0