ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ມັງກອນນີ້, ວັກຊີນໂຄວິດ-19 ແລະຢາກວດຫາເຊື້ອງວດໃໝ່ທີ່ລັດຖະບານຈີນຊ່ວຍເຫຼືອປະເທດຊີຣີໄດ້ຈັດພິທີມອບຮັບຢ່າງເປັນທາງການແລ້ວ, ທ່ານເຟີງບ່ຽວ ເອກອັກຄະລັດຖະທູດຈີນປະຈຳຊີຣີໄດ້ຕາງໜ້າໃຫ້ລັດຖະບານຈີນມອບເຄື່ອງຊ່ວຍເຫຼືອຄັ້ງນີ້ໃຫ້ແກ່ຊີຣີຢູ່ກະຊວງສາທາລະນະສຸກຊີຣີ.
ໃນພິທີມອບຮັບ, ທ່ານເຟີງບ່ຽວໄດ້ກ່າວຄຳປາໄສວ່າ: ປະຈຸບັນ, ພະຍາດໂຄວິດ-19 ຍັງພວມແຜ່ລະບາດຢ່າງຮ້າຍແຮງໃນທົ່ວໂລກ. ປະເທດຈີນໄດ້ເຮັດສຸດຄວາມສາມາດຂອງຕົນເພື່ອສະໜອງວັກຊີນໂຄວິດ-19 ໃຫ້ແກ່ປະຊາຄົມໂລກ ແລະໄດ້ຊຸກຍູ້ການຮ່ວມມືຕ້ານກັບພະຍາດຂອງໂລກຢ່າງຕັ້ງໜ້າ. ແຕ່ອາເມຣິກາແລະບາງປະເທດຝ່າຍຕາເວັນຕົກຊ້ຳພັດໄດ້ສົ່ງເສີມ“ລັດທິຈຳແນກເຊື້ອຊາດດ້ວຍວັກຊີນ” ເຊິ່ງເຮັດໃຫ້ການສ້າງພູມຄຸ້ມກັນໃຫ້ປະຊາຊົນທົ່ວໂລກມີຄວາມແຕກໂຕນກັນຫຼາຍ.
ທ່ານຮາຊັນ ກາບັສ ລັດຖະມົນຕີກະຊວງສາທາລະນະສຸກຊີຣີໄດ້ຕາງໜ້າໃຫ້ລັດຖະບານຊີຣີສະແດງຄວາມຂອບໃຈນຳປະເທດຈີນ. ທ່ານກ່າວວ່າ: ພາຍຫຼັງໄດ້ເກີດມີການແຜ່ລະບາດຂອງພະຍາດໂຄວິດ-19 ເປັນຕົ້ນມາ, ປະເທດຈີນໄດ້ສະໜອງເຄື່ອງຕ້ານພະຍາດຫຼາຍງວດແລະໄດ້ໃຫ້ການຊ່ວຍເຫຼືອມະນຸດສະທຳແກ່ຊີຣີຈຳນວນຫຼວງຫຼາຍ ເຊິ່ງໄດ້ເສີມຂະຫຍາຍບົດບາດອັນໃຫຍ່ຫຼວງໃນການປ້ອງກັນແລະຄວບຄຸມພະຍາດແລະການຍົກລະດັບຊີວິດການເປັນຢູ່ຂອງປະຊາຊົນຊີຣີ. ປະເທດຊີຣີຄັດຄ້ານການແຊກແຊງແລະການລົງໂທດຈາກພາຍນອກ, ຈະສືບຕໍ່ສະແຫວງຫາເສັ້ນທາງການພັດທະນາທີ່ສອດຄ່ອງກັບສະພາບແຫ່ງຊາດຂອງຕົນພາຍໃຕ້ການຊ່ວຍເຫຼືອຈາກປະເທດເພື່ອນມິດເຊິ່ງລວມທັງປະເທດຈີນ.
ຄຳເຫັນ
0