ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ຂ່າວສານສາທາລະນະອິສຣາມຂອງອີຣານລາຍງານວ່າ, ທ່ານຊາອິດ ຄາຕີບຊາເດ, ໂຄສົກກະຊວງການຕ່າງປະເທດອີຣານກ່າວໃນກອງປະຊຸມຂ່າວໃນວັນທີ 3 ມັງກອນນີ້ວ່າ: ຝ່າຍຕ່າງໆໃນການເຈລະຈາສັນຍາຮອບດ້ານກ່ຽວກັບບັນຫານິວເຄຼຍອີຣານສາມາດບັນລຸ “ແຜນການຮ່ວມ”, ແມ່ນຍ້ອນວ່າອາເມຣິກາ, ອັງກິດ, ເຢຍລະມັນແລະປະເທດຝ່າຍຕາເວັນຕົກໄດ້ສຳນຶກວ່າ, ໃນການເຈລະຈາຕ້ອງນຳໃຊ້ທ່າທີທີ່ມີຕິດແທດຕົວຈິງຫຼາຍກວ່າເກົ່າ, ແລະຕ້ອງສຳນຶກວ່າບໍ່ຄວນມີຂໍ້ສະເໜີທີ່ຢູ່ນອກຂອບເຂດຂອງສັນຍາວ່າດ້ວຍບັນຫານິວເຄຼຍອີຣານແລະຕ້ອງປະລະ “ຄວາມຮຽກຮ້ອງທີ່ສູງເກີນໄປ”.
ທ່ານຊາອີດ ຄາຕີບຊາເດກ່າວວ່າ: ກົນໄກການເລ່ັງລັດການເຈລະຈາຢູ່ນະຄອນຫຼວງວຽນຂອງໂອຕຼິສລະຫວ່າງຝ່າຍຕ່າງໆແມ່ນມີຄວາມຈະແຈ້ງແລ້ວ, ທັງມີການເຈລະຈາແບບສອງຝ່າຍແລະຫຼາຍຝ່າຍ. ການເຈລະຈາລະຫວ່າງອີຣານແລະອາເມຣິກາເປັນແບບທາງອ້ອມແລະເປັນແບບລາຍລັກອັກສອນເພື່ອແລກປ່ຽນຄວາມຄິດເຫັນ, ເພື່ອຫຼີກເວັ້ນບໍ່ໃຫ້ເກີດຄວາມເຂົ້າໃຈຜິດກັນ.
ຄຳເຫັນ
0