ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ມັງກອນນີ້, ທ່ານອັນໂຕນິໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການຜ່ານໂຄສົກຂອງທ່ານ ໂດຍໄດ້ສະແດງຄວາມຊົມເຊີຍຜູ້ນຳ 5 ປະເທດທີ່ມີອາວຸດນິວເຄຼຍ ຄື: ຈີນ ຣັດເຊຍ ອາເມຣິກາ ອັງກິດ ແລະຝຣັ່ງທີ່ໄດ້ອອກຖະແຫຼງການຮ່ວມກ່ຽວກັບການປ້ອງກັນບໍ່ໃຫ້ເກີດສົງຄາມນິວເຄຼຍແລະຫຼີກລຽງການແຂ່ງຂັນອາວຸດ.
ທ່ານສະເຕເຟນ ດູຈາຣິກ ໂຄສົກຂອງທ່ານອັນໂຕນິໂອ ກູເຕີເຣັສກ່າວໃນຖະແຫຼງການວ່າ: ທ່ານກູເຕີເຣັສສະແດງຄວາມຊົມເຊີຍ 5 ປະເທດທີ່ມີອາວຸດນິວເຄຼຍທີ່ໄດ້ສຳນຶກເຫັນຄວາມສຳຄັນຂອງການເຄົາລົບສັນຍາແລະຄຳໝັ້ນສັນຍາກ່ຽວກັບການບໍ່ແຜ່ຜາຍອາວຸດນິວເຄຼຍ ການຫຼຸດກຳລັງຮົບແລະການຄວບຄຸມອາວຸດແບບສອງຝ່າຍແລະຫຼາຍຝ່າຍ ເຊິ່ງລວມທັງການເຄົາລົບພັນທະໃນການຫຼຸດອາວຸດນິວເຄຼຍພາຍໃຕ້ຂອບສົນທິສັນຍາວ່າດ້ວຍການບໍ່ແຜ່ຜາຍອາວຸດນິວເຄຼຍ.
ຄຳເຫັນ
0