ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ມະຫາວິທະຍາໄລຈອນສ໌ຮອບກິນສ໌ຂອງອາເມຣິກາໄດ້ເປີດເຜີຍຕົວເລກສະຖິຕິຫຼ້າສຸດໂດຍສະແດງໃຫ້ເຫັນວ່າ: ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຕໍ່ມື້ຢູ່ທົ່ວປະເທດອາເມຣິກາໃນວັນທີ 3 ມັງກອນນີ້ໄດ້ມີຫຼາຍກວ່າ 1 ລ້ານກໍລະນີ ເຊິ່ງໄດ້ສ້າງສະຖິຕິສູງສຸດຂອງຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຕໍ່ມື້ອີກເທື່ອໜຶ່ງນັບແຕ່ເກີດມີການແຜ່ລະບາດຂອງພະຍາດໂຄວິດ-19 ເປັນຕົ້ນມາ.
ຕົວເລກຂໍ້ມູນສະແດງໃຫ້ເຫັນວ່າ: ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຕໍ່ມື້ຢູ່ອາເມຣິກາໃນວັນທີ 3 ມັງກອນນີ້ມີທັງໝົດເຖິງ 1.083.948 ກໍລະນີ, ມີຜູ້ເສຍຊີວິດຍ້ອນເປັນພະຍາດເພີ່ມໃໝ່ 1.693 ກໍລະນີ. ມາຮອດຕອນເຊົ້າຂອງວັນທີ 4 ມັງກອນນີ້ຕາມເວລາພາກຕາເວັນອອກຂອງອາເມຣິກາ, ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ຢູ່ອາເມຣິກາມີທັງໝົດ ເຖິງ 56.190.946 ກໍລະນີ, ມີຜູ້ເສຍຊີວິດຍ້ອນເປັນພະຍາດທັງໝົດເຖິງ 827.753 ກໍລະນີ.
ຄຽງຄູ່ກັບເຊື້ອພະຍາດໂຄວິດ-19 ກາຍພັນໂອມິຄຣອນໄດ້ແຜ່ລະບາດຢ່າງວ່ອງໄວຢູ່ອາເມຣິກາໃນຫວ່າງມໍ່ໆມານີ້,ການແຜ່ລະບາດຂອງພະຍາດໂຄວິດ-19 ແມ່ນຮ້າຍແຮງຂຶ້ນຢ່າງໜັກໜ່ວງ, ໂຕຊີ້ວັດກ່ຽວກັບການແຜ່ລະບາດຂອງພະຍາດໂຄວິດ-19 ຫຼາຍລາຍການຢູ່ອາເມຣິກາລ້ວນແຕ່ໄດ້ສ້າງສະຖິຕິໃໝ່.
ຄຳເຫັນ
0