ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ໃນກອງປະຊຸມຂ່າວທີ່ໄດ້ຈັດຂຶ້ນໃນວັນທີ 4 ມັງກອນນີ້, ມີນັກຂ່າວຖາມວ່າ: ວັນທີ 1 ມັງກອນປີ 2022 ນີ້, ສັນຍາການພົວພັນຄູ່ຮ່ວມມືເສດຖະກິດຮອບດ້ານໃນພາກພື້ນ ຫຼື RCEP ໄດ້ມີຜົນບັງຄັບໃຊ້ຢ່າງເປັນທາງການ
ຢູ່ 10 ປະເທດເຊິ່ງເປັນຂີດໝາຍສະແດງໃຫ້ເຫັນວ່າ: ເຂດການຄ້າເສລີທີ່ມີປະຊາກອນຫຼາຍທີ່ສຸດໃນໂລກ, ມີຂະໜາດເສດຖະກິດການຄ້າໃຫຍ່ທີ່ສຸດແລະມີກຳລັງບົ່ມຊ້ອນດ້ານການພັດທະນາໃຫຍ່ທີ່ສຸດໃນໂລກໄດ້ສ້າງຕັ້ງຂຶ້ນຢ່າງເປັນທາງການ. ຈີນມີຄວາມເຫັນແນວໃດຕໍ່ບົດບາດແລະຜົນສະທ້ອນຂອງ RCEP ?
ທ່ານຫວ່າງເວີນປີ່ນ, ໂຄສົກກະຊວງການຕ່າງປະເທດຈີນກ່າວວ່າ, ຄຽງຄູ່ກັບ RCEP ໄດ້ມີຜົນບັງຄັບໃຊ້ຢ່າງເປັນທາງການແລ້ວ, ອັດຕາສ່ວນຂອງສິນຄ້າປອດພາສີລະຫວ່າງຈີນແລະອາຊຽນ, ອົສຕຣາລີ, ນູແວນເຊລັງແລະປະເທດສະມາຊິກອື່ນໆໄດ້ຮັບການຍົກສູງຂຶ້ນຢ່າງຂະໜາດໃຫຍ່, ແລະກ້າວເຂົ້າສູ່ເປົ້າໝາຍທີ່ເຮັດໃຫ້ການຄ້າສິນຄ້າຫຼາຍກວ່າ 90% ປອດພາສີໃນສຸດທ້າຍ.
RCEP ຍັງຈະສ້າງແບບຢ່າງດ້ານມາດຕະຖານລະບຽບການດ້ານການຄ້າຢູ່ເຂດອາຊີປາຊີຟິກ
ໂດຍສະເພາະແມ່ນລະບຽບການວ່າດ້ວຍຖິ່ນກຳເນີດສິນຄ້າ,ການກວດກາຄຸນນະພາບກວດກາພະຍາດແລະດ້ານຕ່າງໆ. ຄຳໝັ້ນສັນຍາດ້ານການເປີດປະຕູທີ່ມີລະດັບສູງໃນດ້ານການຄ້າການບໍລິການ, ການລົງທຶນແລະດ້ານຕ່າງໆ, ກໍ່ຈະມີຄວາມສະດວກແລະໂລ່ງລ່ຽນດີຂຶ້ນກວ່າເກົ່າ, ເຮັດໃຫ້ສິ່ງກີດຂວາງດ້ານການຄ້າຫຼຸດໜ້ອຍລົງ.
ທ່ານຫວ່າງເວີນປີ່ນກ່າວຕື່ມວ່າ, RCEP ມີຜົນບັງຄັບໃຊ້ຢ່າງເປັນທາງການຈະເພີ່ມ ພະລັງທາງບວກແລະປະສິດທິຜົນໃຫ້ກັບການລົງເລິກການຮ່ວມມືແກ່ປະເທດໃນພາກພື້ນ, ແມ່ນໄຊຊະນະອັນໃຫຍ່ຫຼວງຂອງລັດທິຫຼາຍຝ່າຍແລະການຄ້າເສລີ. ຈີນຈະຮ່ວມກັນກັບແຕ່ລະຝ່າຍ, ຕັ້ງໜ້າເຂົ້າຮ່ວມການສ້າງສາກົນໄກຂອງ RCEP, ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ໃຫ້ພາກພື້ນມີຄວາມຈະເລີນຮຸ່ງເຮືອງແລະເຮັດໃຫ້ເສດຖະກິດໂລກຟື້ນຄືນ.
ຄຳເຫັນ
0