ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານສາທາລະນະລັດອິສລາມອີຣານລາຍງານວ່າ: ວັນທີ 5 ມັງກອນນີ້, ຢູ່ນະຄອນວຽນ, ທ່ານໂມຮາມັດ ບາເກຣີ ຮອງລັດຖະມົນຕີກະຊວງການຕ່າງປະເທດທັງເປັນຫົວໜ້າຄະນະເຈລະຈາກ່ຽວກັບບັນຫານິວເຄຼຍອີຣານໄດ້ໃຫ້ສຳພາດຕໍ່ນັກຂ່າວວ່າ: ນັບແຕ່ເລີ່ມດຳເນີນການເຈລະຈາກ່ຽວກັບການຟື້ນຟູການປະຕິບັດສັນຍາລະຫວ່າງອາເມຣິກາແລະອີຣານຮອບ 8 , ຝ່າຍຕ່າງໆພວມພະຍາຍາມເຮັດໃຫ້ການເຈລະຈາບັນລຸຜົນເປັນຈິງ. ຂໍ້ກະແຈສຳຄັນທີ່ເຮັດໃຫ້ການເຈລະຈາໄດ້ຮັບຜົນສຳເລັດນັ້ນກໍແມ່ນການເຊັນສັນຍາກ່ຽວກັບການຍົກເລີກການລົງໂທດອີຣານຢ່າງບັງເກີດຜົນ.
ທ່ານບາເກຣີກ່າວວ່າ: ຖ້າອີກຝ່າຍໜຶ່ງສາມາດສະແດງໃຫ້ເຫັນເຖິງຄວາມຈິງໃຈໃນການຍົກເລີກການລົງໂທດອີຣານ, ແລະຮັບຮອງກົນໄກທີ່ສະເໜີໂດຍອີຣານກ່ຽວກັບບັນຫາການກວດກາແລະການຮັບປະກັນວ່າອາເມຣິກາຈະບໍ່ຖອນອອກຈາກສັນຍາອີກ, ກໍ່ຈະມີຄວາມອາດສາມາດເຊັນສັນຍາກັນໄດ້ພາຍໃນເວລາອັນສັ້ນ.
ຄຳເຫັນ
0