ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນອາທິດໜ້າ, ຣັດເຊຍ ກັບ ອາເມຣິກາ ກຸ່ມນາໂຕແລະອົງການອື່ນໆຈະຈັດການເຈລະຈາກ່ຽວກັບຄວາມໝັ້ນຄົງຫຼາຍຄັ້ງ. ກ່ອນການເຈລະຈາ, ວັນທີ 7 ມັງກອນນີ້, ປະເທດສະມາຊິກກຸ່ມນາໂຕໄດ້ຈັດກອງປະຊຸມລັດຖະມົນຕີການຕ່າງປະເທດເພື່ອປະສານສົມທົບກັນກ່ຽວກັບຫຼັກໝັ້ນຕໍ່ກັບຣັດເຊຍ, ໂດຍກ່າວຢ້ຳວ່າ ຈະບໍ່ຍອມຮັບຄວາມຮຽກຮ້ອງຕ່າງໆທີ່ສະເໜີໂດຍຣັດເຊຍ ເຊິ່ງລວມທັງ ຄຳຮຽກຮ້ອງທີ່ໃຫ້ກຸ່ມນາໂຕບໍ່ແຜ່ຂະຫຍາຍອິດທິພົນໄປສູ່ທິດຕາເວັນອອກ.
ວັນທີ 7 ມັງກອນນີ້, ລັດຖະມົນຕີກະຊວງການຕ່າງປະເທດຂອງ 30 ປະເທດສະມາຊິກກຸ່ມນາໂຕໄດ້ຈັດກອງປະຊຸມຜ່ານທາງວີດີໂອ, ເພື່ອກະກຽມການເຈລະຈາກັບຣັດເຊຍ. ລັດຖະມົນຕີກະຊວງການຕ່າງປະເທດທີ່ເຂົ້າຮ່ວມກອງປະຊຸມດັ່ງກ່າວກ່າວວ່າ, ເຂົາເຈົ້າຈະເປັນເອກະພາບກັນຄັດຄ້ານການເຄື່ອນໄຫວທາງການທະຫານທີ່ຣັດເຊຍອາດຈະກໍ່ຂຶ້ນຕໍ່ກັບອຸຍແກຼນ, ແລະຈະບໍ່ຍອມຮັບຄວາມຮຽກຮ້ອງຕ່າງໆຂອງຣັດເຊຍທີ່ສະເໜີອອກໃນຮ່າງສັນຍາວ່າດ້ວຍການປົກປ້ອງຄວາມໝັ້ນຄົງ.
ໃນຫວ່າງມໍ່ໆມານີ້, ການພົວພັນລະຫວ່າງຣັດເຊຍ ກັບ ອາເມຣິກາ ແລະ ປະເທດຕາເວັນຕົກອື່ນໆໄດ້ເຄັ່ງຕຶງຂຶ້ນຍ້ອນບັນຫາອຸຍແກຼນ, ອາເມຣິກາ ແລະ ອຸຍແກຼນໄດ້ໂຄສະນາຢ່າງຕໍ່ເນື່ອງກ່ຽວກັບໄພຂົ່ມຂູ່ຂອງອັນທີ່ເອີ້ນວ່າ “ຣັດເຊຍເຂົ້າຮຸກຮານ ອຸຍແກຼນ”, ແຕ່ຣັດເຊຍພັດກ່າວເນັ້ນວ່າ ສະຖານະການຊຸດໂຊມລົງຢ່າງຕໍ່ເນື່ອງແມ່ນຍ້ອນວ່າ ກຸ່ມນາໂຕໄດ້ບີບຮັດຂອບເຂດດ້ານຄວາມໝັ້ນຄົງຂອງຣັດເຊຍເລື້ອຍໆ.
ຄຳເຫັນ
0