ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ມັງກອນນີ້ຕາມເວລາທ້ອງຖິ່ນ, ການເຈລະຈາກ່ຽວກັບຄວາມໝັ້ນຄົງດ້ານຍຸດທະສາດຮອບທີ 3 ລະຫວ່າງຣັດເຊຍກັບອາເມຣິກາໄດ້ສິ້ນສຸດລົງແລ້ວ. ສອງຝ່າຕ່າງກໍໄດ້ຍຶດໝັ້ນໃນຈຸດຢືນທີ່ເດັດດ່ຽວຂອງຕົນໃນການເຈລະຈາ ແຕ່ກໍໄດ້ເປີດປະຕູໃຫ້ມີການປຶກສາຫາລືກັນອີກໃນໄລຍະຕໍ່ໄປ.
ໃນການເຈລະຈາ, ຄະນະຜູ້ແທນອາເມຣິກາທີ່ນຳໂດຍທ່ານນາງ ເວນດີ ເຊີແມັນ ຮອງລັດຖະມົນຕີກະຊວງການຕ່າງປະເທດອາເມຣິກາ ໄດ້ປະຕິເສດຂໍ້ສະເໜີຂອງຣັດເຊຍທີ່ຫ້າມບໍ່ໃຫ້ອົງການນາໂຕຈັດເອົາສາທາລະນະລັດໃນອະດີດສະຫະພາບໂຊວຽດແລະປະເທດໃນເອີຣົບຕາເວັນອອກກາງເຂົ້າເປັນສະມາຊິກ, ຣັດເຊຍກ່າວວ່າ: ນີ້ແມ່ນໜຶ່ງໃນບັນຫາທີ່ຣັດເຊຍໃຫ້ຄວາມສົນໃຈທີ່ສຸດ.
ຫຼັງການເຈລະຈາ, ຣັດເຊຍແລະອາເມຣິກາຕ່າງກໍ່ໄດ້ຈັດກອງປະຊຸມຂ່າວ, ທ່ານເຊີເກ ຣຽບຄອຟ ຮອງລັດຖະມົນຕີກະຊວງການຕ່າງປະເທດຣັດເຊຍກ່າວວ່າ: ຣັດເຊຍຈະບໍ່ເປັນໄພຂົ່ມຂູ່ປະເທດໃດ ແລະກໍຈະບໍ່ຍື່ນຄຳຂາດ. ທ່ານກ່າວວ່າ: ຖ້າວ່າອາເມຣິກາບໍ່ມີທ່າທີທີ່ຕັ້ງໜ້າ, ນີ້ຈະເປັນຄວາມຜິດພາດຂອງນາໂຕ ແລະຈະທຳລາຍຄວາມໝັ້ນຄົງຂອງອົງການນາໂຕ.
ທ່ານນາງເຊີແມັນກ່າວວ່າ: ຖ້າວ່າຣັດເຊຍໃຊ້ມາດຕະການຜ່ອນຄາຍ ເປັນຕົ້ນຄື: ຖອນທະຫານອອກຈາກເຂດຊາຍແດນອູແກຼນ, ອາເມຣິກາຍິນດີລົງເລິກການປຶກສາຫາລືກ່ຽວກັບບັນຫາສອງຝ່າຍໄດ້ໄວກວ່າເກົ່າ.
ຄຳເຫັນ
0