ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ມັງກອນນີ້, ກົມເສນາທິການປະສົມຂອງກອງທັບ ສ.ເກົາຫຼີ ກ່າວວ່າ, ມື້ດຽວກັນ, ສປປ ເກົາຫຼີ ໄດ້ຍິງວັດຖຸທີ່ບໍ່ຮູ້ວ່າແມ່ນຫຍັງໄປສູ່ເຂດທະເລທາງພາກຕາເວັນອອກຂອງແຫຼມເກົາຫຼີ.
ກົມເສນາທິການປະສົມ ໄດ້ສົ່ງຂໍ້ຄວາມສັ້ນໃຫ້ສື່ມວນຊົນ ເພື່ອແຈ້ງຂ່າວດັ່ງກ່າວ, ແຕ່ໃນຂ່າວ ພັດບໍ່ໄດ້ແຈ້ງລາຍລະອຽດກ່ຽວກັບການຍິງຄັ້ງນີ້.
ວັນທີ 5 ມັງກອນຜ່ານມາ, ກົມເສນາທິການປະສົມຂອງ ສ. ເກົາຫຼີ ໄດ້ແຈ້ງໃຫ້ຊາບວ່າ, ສປປ ເກົາຫຼີ ໄດ້ຍິງວັດຖຸທີ່ບໍ່ຮູ້ວ່າແມ່ນຫຍັງໄປສູ່ເຂດທະເລຕາເວັນອອກຂອງແຫຼມເກົາຫຼີໃນມື້ດຽວກັນ. ແລະມາຮອດວັນທີ 6 ມັງກອນຜ່ານມາ, ຂ່າວສານສູນກາງເກົາຫຼີໄດ້ລາຍງານວ່າ, ວັນທີ 5 ມັງກອນນີ້, ສປປ ເກົາຫຼີ ໄດ້ຍິງຂີປະນາວຸດທີ່ມີຄວາມໄວເໜືອສຽງຫຼາຍທີ່ສຸດ ຫຼື hypersonic ລູກໜຶ່ງຢ່າງສຳເລັດຜົນ. ນີ້ແມ່ນຄັ້ງທີ 2 ທີ່ ສປປ ເກົາຫຼີ ທົດລອງຍິງຂີປະນາວຸດທີ່ມີຄວາມໄວເໜືອສຽງຫຼາຍທີ່ສຸດ ພາຍຫຼັງການຍິງຂີປະນາວຸດປະເພດດຽວກັນທີ່ມີຊື່ວ່າ “ດາວອັງຄານ 8” ລູກໜຶ່ງຢ່າງສຳເລັດຜົນໃນວັນທີ 28 ກັນຍາປີທີ່ຜ່ານມາ.
ຄຳເຫັນ
0