ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ11ມັງກອນນີ້ຕາມເວລາທ້ອງຖິ່ນ,ທ່ານເຈໂຣມ ພາວເວວ ຜູ້ວ່າການທະນາຄານກາງອາເມຣິກາ ຫຼື FED ໄດ້ກ່າວວ່າ: ແຮງກົດດັນຈາກໄພເງິນເຟີ້ຂອງອາເມຣິກາອາດຈະຍືດເວລາໄປຮອດກາງປີ2022ນີ້. ຖ້າວ່າໄພເງິນເຟີ້ຍັງສູງຄືເກົ່າ ອົງການ FED ຈະເພີ່ມດອກເບ້ຍ.
ທ່ານພາວເວວກ່າວຕື່ມວ່າ: ການຄວບຄຸມໄພເງິນເຟີ້ບໍ່ໃຫ້ສູງ ມັນສຳຄັນທີ່ສຸດຕໍ່ຕະຫຼາດແຮງງານທີ່ຢາກພັດທະນາໃຫ້ຍືນຍົງແລະແຂງແຮງ.ເຖິງວ່າຕະຫຼາດແຮງງານກຳລັງຟື້ນຄືນຢູ່,ອັດຕາຫວ່າງງານຢູ່ອາເມຣິກາໃນເດືອນທັນວາປີກາຍນີ້ກໍຫຼຸດລົງຮອດ3,9% ກໍຕາມ, ແຕ່ອັດຕາໄພເງິນເຟີ້ຂອງອາເມຣິກາໃນປັດຈຸບັນຍັງສູງກວ່າເປົ້າໝາຍຫຼາຍ.
ທ່ານກ່າວເນັ້ນໜັກວ່າ: FED ຍັງບໍ່ທັນກຳນົດເວລາລະອຽດທີ່ຈະເພີ່ມດອກເບ້ຍ,ດຽວນີ້ກຳລັງຫຼຸດຈຳນວນການຊື້ພັນທະບັດລົງ,ທັງຈະໃຫ້ແຜນການນີ້ສິ້ນສຸດລົງໃນເດືອນມິີນາປີນີ້,ຄາດວ່າຫຼັງຈາກນັ້ນກໍ່ຈະປັບອັດຕາດອກເບ້ຍພື້ນຖານໃຫ້ສູງຂຶ້ນ. ທ່ານພາວເວວ ກ່າວຕື່ມວ່າ:ໄພເງິນເຟີ້ຍັງສູງຄືເກົ່າ ແມ່ນຍ້ອນວ່າ ຜູ້ບໍລິໂພກມີຄວາມຕ້ອງການສິນຄ້າຫຼາຍ,ທັງເປັນຍ້ອນວ່າ ຕ່ອງໂສ້ການສະໜອງສິນຄ້າແລະການບໍລິການໄດ້ຮັບຜົນກະທົບຢ່າງໜັກໜ່ວງຍ້ອນສະພາບພະຍາດໂຄວິດ-19.
ຄຳເຫັນ
0