ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວັບໄຊຂອງສະຫະພັນສະກີສາກົນໄດ້ແຈ້ງຂ່າວວ່າ: ປັດຈຸບັນ, ນັກກິລາຈີນໄດ້ຮັບສິດເຂົ້າຮ່ວມການແຂ່ງຂັນ 11 ລາຍການທັງໝົດຂອງປະເພດສະກີຢູ່ເທິງພູຂອງງານກິລາໂອລິມປິກລະດູໜາວປັກກິ່ງ ເຊິ່ງເປັນຄັ້ງທຳອິດໃນປະຫວັດສາດຂອງຈີນທີ່ສາມາດເຂົ້າຮ່ວມການແຂ່ງຂັນຄົບທຸກລາຍການຂອງປະເພດໜຶ່ງໃນ ງານກິລາໂອລິມປິກລະດູໜາວ.
ອີງຕາມມາດຕະຖານສະສົມຄະແນນຂອງສະຫະພັນສະກີສາກົນສຳລັບງານກິລາໂອລິມປິກລະດູໜາວ, ສະກີຄວາມໄວຫຼົບຫຼີກສິ່ງກີດຂວາງເພດຍິງແມ່ນລາຍການສຸດທ້າຍໃນ 11 ລາຍການທີ່ນັກກິລາຂອງຈີນບໍ່ເຄີຍຜ່ານມາດຕະຖານ. ໃນການແຂ່ງຂັນລາຍການນີ້ທີ່ຈັດຂຶ້ນຢູ່ປະເທດໂອຕຼີສໃນວັນທີ 7 ມັງກອນປີນີ້, ນັກກິລາຈີນສອງຄົນສາມາດສ້າງຜົນງານທີ່ດີໄດ້ຕາມມາດຕະຖານ ເຊິ່ງເປັນຂີດໝາຍທີ່ຢືນຢັນວ່າ: ຈີນໄດ້ຮັບສິດເຂົ້າຮ່ວມການແຂ່ງຂັນທຸກລາຍການຂອງປະເພດສະກີຢູ່ເທິງພູ.
ອີງຕາມຂໍ້ກຳນົດຂອງສະຫະພັນສະກີສາກົນ, ໃນງານກິລາໂອລິມປິກລະດູໜາວປັກກິ່ງຄັ້ງນີ້ ຄະນະນັກກິລາປະເທດຕ່າງໆ ຈະສາມາດສົ່ງນັກກິລາຍິງ 11 ຄົນ ແລະຊາຍ 11 ຄົນເຂົ້າຮ່ວມການແຂ່ງຂັນປະເພດນີ້. ລາຍຊື່ຜູ້ເຂົ້າຮ່ວມການແຂ່ງຂັນຈະແຈ້ງໃຫ້ຮູ້ຫຼັງວັນທີ 17 ມັງກອນນີ້.
ຄຳເຫັນ
0