ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ12ມັງກອນນີ້ຕາມເວລາທ້ອງຖິ່ນ, ອົງການອະນາໄມໂລກ ຫຼື WHO ໄດ້ຈັດກອງປະຊຸມຂ່າວກ່ຽວກັບພະຍາດໂຄວິດ-19,ທ່ານເຕໂດຣສ ອັດຮານົມ ຜູ້ອຳນວຍການໃຫຍ່ WHO ກ່າວວ່າ: ຢູ່ທະວີບອາຟຣີກາ ມີປະຊາຊົນຫຼາຍກວ່າ85%ບໍ່ທັນໄດ້ສັກວັກຊີນໂຄວິດ-19ເທື່ອ.ໃນໄລຍະຕໍ່ໜ້າ, “ແຜນການສັກວັກຊີນໂຄວິດ-19”ຂອງWHOທີ່ແບ່ງປັນວັກຊີນໃຫ້ທົ່ວໂລກນັ້ນຈະບັນລຸເຖິງ1ຕື້ຫຼອດ,ເຊິ່ງຈະເຮັດໃຫ້ການສະໜອງວັກຊີນໂຄວິດ-19ທີ່ມີການຈຳກັດສ່ວນໜຶ່ງໃນປີກາຍນີ້ໄດ້ຮັບການຜ່ອນຄາຍເທື່ອລະກ້າວ,ແຕ່ຄັນຢາກຊຸກຍູ້ເປົ້າໝາຍສັກວັກຊີນໃຫ້ປະຊາຊົນບັນດາປະເທດໃນໂລກໄດ້70%ກ່ອນກາງປີນີ້ນັ້ນ ຍັງຕ້ອງການໄລຍະຍາວຢູ່.
ປັດຈຸບັນໃນທົ່ວໂລກ ຢູ່90ປະເທດແລະເຂດແຄວ້ນ ອັດຕາສັກວັກຊີນຍັງບໍ່ໄດ້ບັນລຸເຖິງ40%, ໃນນັ້ນ ອັດຕາສັກວັກຊີນຢູ່36ປະເທດແລະເຂດແຄວ້ນຍັງບໍ່ຮອດ10%. ຂະນະດຽວກັນ ອົງການ WHOໄດ້ຮຽກຮ້ອງໃຫ້ຄົ້ນຄວ້າແລະຜະລິດວັກຊີນໃຫ້ຫຼາຍ, ແລະອາດຈະຕ້ອງປ່ຽນ ສ່ວນປະກອບຂອງວັກຊີນໂຄວິດ-19ໃນປັດຈຸບັນ.
ຄຳເຫັນ
0