ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການຄຸ້ມຄອງການໄປສະນີຂອງອົງການສະຫະປະຊາຊາດໄດ້ປະກາດໃນວັນທີ 14 ມັງກອນນີ້ວ່າ: ເພື່ອສະຫຼອງການຈັດງານກິລາໂອລິມປິກລະດູໜາວປັກກິ່ງປີ 2022, ອົງການສະຫະປະຊາຊາດຫຼື UN ຈະພິມຈຳໜ່າຍສະແຕມໃນຫົວຂໍ້ “ຊຸກຍູ້ສັນຕິພາບໂດຍຜ່ານກິລາ”. ນີ້ແມ່ນສະຫະປະຊາຊາດພິມຈຳໜ່າຍສະແຕມຄັ້ງທຳອິດໃຫ້ກັບງານກິລາໂອລິມປິກລະດູໜາວ.
ອົງການຄຸ້ມຄອງການໄປສະນີຂອງອົງການສະຫະປະຊາຊາດກ່າວວ່າ: ລາຄາສະແຕມທີ່ພິມຈຳໜ່າຍໃນຄັ້ງນີ້ມີ 6 ຊະນິດຄື: 0,58 ໂດລາ, 1,3 ໂດລາ, 1,1 ຟຣັງສະວິສ, 2 ຟຣັງສະວິສ, 0,85 ເອີໂຣແລະ 1,8 ເອີໂຣ,ຕ່າງໄດ້ສະແດງໃຫ້ເຫັນເຖິງພາບພົດຂອງນັກກິລາລະດູໜາວ. ສະແຕມເຫຼົ່ານີ້ແຕ້ມໂດຍນາງ ຢວນເຟີ່ຍເຟີ່ຍ ນັກແຕ້ມຂອງຈີນ. ຄືກັນກັບສະແຕມທຳມະດາ, ສະແຕມດັ່ງກ່າວສາມາດໃຊ້ໃນການສົ່ງຈົດໝາຍຊະນິດຕ່າງໆໄດ້.
ຄຳເຫັນ
0