ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ມັງກອນປີ 2017, ທ່ານສີຈິ້ນຜິງ ປະທານປະເທດຈີນໄດ້ບັນລະຍາຍທັດສະນະສຳຄັນກ່ຽວກັບການສ້າງ “ປະຊາຄົມຮ່ວມຊາຕາກຳຂອງມວນມະນຸດ” ໃນເວລາກ່າວຄຳປາໄສຢູ່ສຳນັກງານໃຫຍ່ອົງການສະຫະປະຊາຊາດທີ່ນະຄອນເຊີແນວຂອງສະວິດສ. ທັດສະນະ “ປະຊາຄົມຮ່ວມຊາຕາກຳຂອງມວນມະນຸດ” ໄດ້ສືບທອດ ແລະ ເສີມຂະຫຍາຍ ແນວຄິດ“ສະຫະພັນຄົນເສລີ” ໃນລັດທິມາກ, ໂດຍຖືເອົາຄ່ານິຍົມຮ່ວມຂອງມວນມະນຸດເປັນຫຼັກການພື້ນຖານ, ຖືເອົາການບັນລຸການພັດທະນາແບບເສລີ ແລະ ຮອບດ້ານຂອງຄົນ ແລະ ຄວາມສຸກຂອງມວນມະນຸດເປັນເປົ້າໝາຍ, ເຊິ່ງໄດ້ກວມລວມວິໄສທັດຕໍ່ກັບຮູບຖານອະລິຍະທຳຂອງມວນມະນຸດ.
ໃນ 5 ປີຜ່ານມານີ້, ທັດສະນະ“ປະຊາຄົມຮ່ວມຊາຕາກຳຂອງມວນມະນຸດ” ໄດ້ຖືກບັນທຶກເຂົ້າໃນເອກະສານຮ່ວມມືສອງຝ່າຍ ແລະ ຫຼາຍຝ່າຍ, ກໍຄື ມະຕິຫຼາຍສະບັບຂອງອົງການສະຫະປະຊາຊາດ, ພ້ອມທັງກາຍເປັນຫົວຂໍ້ຫຼັກໃນເວທີປຶກສາຫາລືສາກົນ ແລະ ຫົວຂໍ້ຄົ້ນຄວ້າຂອງນັກວິຊາການ. ທັດສະນະ ການສ້າງ “ປະຊາຄົມຮ່ວມຊາຕາກຳຂອງມວນມະນຸດ” ໄດ້ມີເນື້ອໃນທີ່ອຸດົມສົມບູນຂຶ້ນເລື້ອຍໆຄຽງຄູ່ກັບການຜັນແປຂອງຍຸກສະໄໝ, ແລະມີພະລັງຊີວິດຊີວາເພີ່ມຂຶ້ນເລື້ອຍໆໂດຍຜ່ານການທົດສອບຂອງການເວລາ, ພ້ອມທັງໄດ້ເຕົ້າໂຮມຄວາມຮັບຮູ້ທີ່ເປັນເອກະພາບກັນນັບມື້ນັບກວ້າງອອກໃນສາກົນ, ສ່ອງແສງໃຫ້ເຫັນເຖິງພະລັງຊີວິດ ແລະ ແຮງຈູງໃຈທີ່ເຂັ້ມແຂງ.
ພາຍໃຕ້ການຊີ້ນຳຂອງທັດສະນະ ຮ່ວມກັນສ້າງ“ປະຊາຄົມຮ່ວມຊາຕາກຳຂອງມວນມະນຸດ”, ຈີນໄດ້ເປີດກວ້າງການເປີດປະຕູສູ່ພາຍນອກຢ່າງຕໍ່ເນື່ອງ, ເປີດກວ້າງຂົງເຂດອະນຸມັດເຂົ້າເຖິງຕະຫຼາດໃຫ້ຫຼາຍກວ່າເກົ່າ, ສະພາບແວດລ້ອມດ້ານການດຳເນີນທຸລະກິດທີ່ດີກວ່າເກົ່າ, ແລະ ການເປີດປະຕູດ້ານລະບຽບການທີ່ມີຄວາມແຂງແຮງກວ່າເກົ່າ, ເພື່ອສ້າງໂອກາດ ແລະ ເພີ່ມແຮງຊຸກດັນໃຫ້ກັບ ການຟຶ້ນຟູເສດຖະກິດຂອງໂລກ. ຈາກງານວາງສະແດງສິນຄ້ານຳເຂົ້າສາກົນຈີນ, ງານຕະຫຼາດນັດການຄ້າການບໍລິການສາກົນຈີນ, ຮອດງານວາງສະແດງເຄື່ອງບໍລິໂພກສາກົນຈີນ ແລະ ງານຕະຫຼາດນັດສິນຄ້າຂາເຂົ້າຂາອອກຈີນ, ຈາກກົນໄກຮ່ວມມືຈີນ-ປະເທດເອີຣົບກາງແລະເອີຣົບຕາເວັນອອກ, ການພົວພັນຄູ່ເຈລະຈາຈີນ-ອາຊຽນ ຈົນຮອດເວທີປຶກສາຫາລືຈີນ-ອາຟຣິກາ, ເວທີປຶກສາຫາລືຈີນ-ປະຊາຄົມປະເທດອາເມຣິກາລາຕິນ ແລະກາຣິເບ, ເວທີການເປີດປະຕູສູ່ພາຍນອກໄດ້ເຂັ້ມແຂງຂຶ້ນທຸກມື້, ກົນໄກການຮ່ວມມືໄດ້ກ້າວເຂົ້າສູ່ລວງເລິກຢ່າງໜັກແໜ້ນ, ເສັ້ນທາງການພັດທະນາຮ່ວມກັນໄດ້ນັບມື້ນັບກວ້າງຂວາງກວ່າເກົ່າ.
ໃນປະຈຸບັນນີ້, ການແຜ່ລະບາດຂອງພະຍາດໂຄວິດ-19ໄດ້ເກີດຂຶ້ນຊ້ຳແລ້ວຊ້ຳອີກ, ການຟື້ນຄືນຂອງເສດຖະກິດໂລກມີຄວາມອ່ອນແອ ແລະ ຕົກຢູ່ໃນຄວາມຫຍຸ້ງຍາກ. ເມື່ອປະສົບກັບການແຜ່ລະບາດຂອງພະຍາດໂຄວິດ-19ແລ້ວ, ຊາວໂລກໄດ້ມີຄວາມຮັບຮູ້ຢ່າງຈະແຈ້ງກວ່າເກົ່າ, ຄື: “ມວນມະນຸດເປັນປະຊາຄົມດຽວກັນ, ທົ່ວໜ່ວຍໂລກເປັນບ້ານເມືອງດຽວກັນ. ເມື່ອປະເຊີນໜ້າກັບສິ່ງທ້າທາຍຮ່ວມກັນ, ບໍ່ວ່າປະເທດໃດ ຫຼື ບຸກຄົນໃດກໍບໍ່ສາມາດຢູ່ລອດດ້ວຍຕົນເອງຜູ້ດຽວໄດ້. ການມຸ່ງໜ້າສູ່ອະນາຄົດ, ສະແຫວງຫາສິ່ງທີ່ຄືກັນ ຂະນະທີ່ສະຫງວນສິ່ງທີ່ຕ່າງກັນ, ສາມັກຄີ ແລະ ຮ່ວມມືກັນຈຶ່ງແມ່ນເສັ້ນທາງທີ່ຖືກຕ້ອງສຳລັບການດຳລົງຄົງຕົວຂອງມວນມະນຸດ.”
ຄຳເຫັນ
0