ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ມັງກອນນີ້, ກະຊວງກິລາແລະຄະນະກຳມະການໂອລິມປິກຊາອູດິດອາຣັບບີໄດ້ຖະແຫຼງຂ່າວວ່າ: ໂດຍຜ່ານຈາກຄວາມພະຍາຍາມຂອງຄະນະກຳມະການໂອລິມປິກຊາອູດິດອາຣັບບີ ແລະ ໄດ້ຮັບການຢືນຢັນຈາກມາດຕະຖານທີ່ກ່ຽວຂ້ອງ, ຊາອູດິດອາຣັບບີຈະສົ່ງນັກກິລາສະກີເທິງພູ 2 ຄົນເຂົ້າຮ່ວມງານກິລາໂອລິມປິກລະດູໜາວປັກກິ່ງ ເຊິ່ງເປັນຄັ້ງທຳອິດທີ່ຊາອູດິດອາຣັບບີ, ໂດຍສະເພາະແມ່ນປະເທດສະມາຊິກຄະນະກຳມະການການຮ່ວມມືປະເທດອາຣັບອ່າວເປີເຊຍ ຫຼື GCC ທີ່ສົ່ງນັກກິລາເຂົ້າຮ່ວມງານກິລາໂອລິມປິກລະດູໜາວ.
ທ່ານອັບດຸນລາຊີສ ບາກັສ ຜູ້ຮັບຜິດຊອບການປະຊາສຳພັນຂອງກະຊວງກິລາຊາອູດິດອາຣັບບີໄດ້ໃຫ້ສຳພາດຕໍ່ນັກຂ່າວວ່າ: ຊາອູດິດອາຣັບບີຈະສົ່ງຄະນະນັກກິລາໄປເຂົ້າຮ່ວມງານກິລາໂອລິມປິກລະດູໜາວປັກກິ່ງ.
ປັດຈຸບັນ, ນັກກິລາຊາອູດິດອາຣັບບີທີ່ຈະເຂົ້າຮ່ວມການແຂ່ງຂັນພວມກະກຽມກ່ອນການແຂ່ງຂັນ ແລະ ຝຶກຊ້ອມຂັ້ນສຸດທ້າຍຢູ່ຕ່າງປະເທດ ແລະ ກຽມຈະເດີນທາງຈາກນະຄອນຫຼວງລີຢັດໄປນະຄອນຫຼວງປັກກິ່ງໃນທ້າຍເດືອນນີ້.
ຄຳເຫັນ
0