ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນເວທີປຶກສາຫາລືການຮ່ວມມືດ້ານເສດຖະກິດການຄ້າຈີນ-ອາຊີກາງ ທີ່ຈັດຂຶ້ນໃນວັນທີ 17 ມັງກອນນີ້, ທ່ານວາງເວີນທາວ ລັດຖະມົນຕີກະຊວງການຄ້າຈີນກ່າວວ່າ: ນັບແຕ່ສ້າງຕັ້ງສາຍພົວພັນທາງການທູດເປັນເວລາ 30 ປີມານີ້, ຍອດມູນຄ່າການຄ້າລະຫວ່າງຈີນກັບ 5 ປະເທດອາຊີກາງໄດ້ເພີ່ມຂຶ້ນຫຼາຍກວ່າ 100 ເທົ່າ, ການລົງທຶນໂດຍກົງຂອງຈີນຢູ່ 5 ປະເທດອາຊີກາງບັນລຸຫຼາຍກວ່າ 14 ຕື້ໂດລາສະຫະລັດ, ຂະໜາດການຮ່ວມມືດ້ານການຄ້າແລະການລົງທຶນໄດ້ຂະຫຍາຍກວ້າງອອກຢ່າງບໍ່ຢຸດຢັ້ງ.
ທ່ານວາງເວີນທາວກ່າວຕື່ມວ່າ: ນັບແຕ່ຈີນໄດ້ສ້າງຕັ້ງສາຍພົວພັນທາງການທູດກັບ 5 ປະເທດອາຊີກາງຕະຫຼອດໄລຍະ 30 ປີມານີ້, ສອງຝ່າຍໄດ້ລົງເລິກການຮ່ວມມືຕົວຈິງໃນດ້ານເສດຖະກິດການຄ້າຢ່າງຕໍ່ເນື່ອງ ແລະ ໄດ້ປະສົບຜົນສຳເລັດໃນການຮ່ວມມືຕົວຈິງຢ່າງຫຼວງຫຼາຍ. ຈີນຍິນດີຖືເອົາການສ້າງສາຍພົວພັນທາງການທູດຄົບຮອບ 30 ປີເປັນກາລະໂອກາດ, ເຮັດໃຫ້ຊ່ອງທາງການຮ່ວມມືມີຄວາມສະດວກສະບາຍ, ຍົກລະດັບການຮ່ວມມືໃຫ້ສູງຂຶ້ນ, ເສີມຂະຫຍາຍຜົນການຮ່ວມມືໃຫ້ມີບົດບາດກວ້າງອອກ, ຊຸກຍູ້ໃຫ້ການຮ່ວມມືດ້ານເສດຖະກິດການຄ້າລະຫວ່າງຈີນກັບອາຊີກາງກ້າວຂຶ້ນສູ່ລະດັບໃໝ່.
ໃນໄລຍະຈັດເວທີປຶກສາຫາລື, ພາກສ່ວນເສດຖະກິດການຄ້າຂອງ 6 ປະເທດໄດ້ເຜີຍແຜ່ “ຂໍ້ລິເລີ່ມວ່າດ້ວຍການຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງຈີນແລະອາຊີກາງໃຫ້ພັດທະນາຢ່າງມີຄຸນນະພາບສູງແລະຕໍ່ເນື່ອງ” ໂດຍໃຫ້ກ້າວເຖິງຂັ້ນມີຄວາມເຫັນທີ່ເປັນເອກະພາບກັນຢ່າງກວ້າງຂວາງ ກ່ຽວກັບການຮ່ວມມືໃນຂົງເຂດຕ່າງໆ ເຊັ່ນ: ຮ່ວມກັນເປີດກວ້າງການຄ້າ, ການລົງທຶນ, ດີຈີຕອນ ແລະ ການພັດທະນາຕາມທິດສີຂຽວເປັນຕົ້ນ.
ຄຳເຫັນ
0