ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ມັງກອນນີ້, ລັດຖະບານຕົງກາກ່າວວ່າ: ປະຊາຊົນເກືອບ 85% ປະມານ 105,000 ຄົນໄດ້ຮັບຜົນກະທົບຈາກພູໄຟລະເບີດແລະຄື້ນສຶນາມິ. ການສ້າງສາປະເທດຄືນໄໝ່ຕ້ອງໃຊ້ເວລາດົນ, ຫຼາຍເຂດຂາດແຄນເຄື່ອງໃຊ້ໃນຊີວິດປະຈຳວັນ.
ລັດຖະບານຕົງກາກ່າວວ່າ: ການສື່ສານທາງໂທລະສັບລະຫວ່າງເກາະດອນຍັງແມ່ນອຸປະສັກທີ່ໜັກໜ່ວງທີ່ສຸດ, ແຕ່ຢູ່ເກາະດອນຈຳນວນໜຶ່ງພວມສື່ສານກັນດ້ວຍວິທະຍຸສື່ສານ ແລະພວມສ້າງສະຖານີວິທະຍຸສື່ສານແຫ່ງໃໝ່.
ລັດຖະບານຕົງກາກ່າວຕື່ມວ່າ: ການລະເບີດຂອງພູໄຟໄດ້ທຳລາຍພື້ນທະເລ ແລະເປັນອຸປະສັກຕໍ່ການເດີນເຮືອ, ດັ່ງນັ້ນ ການຊ່ວຍເຫຼືອຜ່ານທາງທະເລຈຶ່ງປະເຊີນກັບສິ່ງທ້າທາຍຢ່າງໜັກໜ່ວງ. ຖ້ຽວບິນພາຍໃນປະເທດໄດ້ຢຸດໃຫ້ບໍລິການ.
ຄຳເຫັນ
0