刘华丽

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ອົງ​ການ ສ​ປ​ຊ ຮຽກ​ຮ້ອງ​ໃຫ້​ເພີ່ມ​ການ​ເຄື່ອນ​ໄຫວ​ດ້ານ​ມະ​ນຸດ​ສະ​ທຳ​ຢູ່​ອັ​ຟ​ກາ​ນີ​ສະ​ຖານ

2022-01-27 14:58:35 cri

ອົງ​ການ ສ​ປ​ຊ ຮຽກ​ຮ້ອງ​ໃຫ້​ເພີ່ມ​ການ​ເຄື່ອນ​ໄຫວ​ດ້ານ​ມະ​ນຸດ​ສະ​ທຳ​ຢູ່​ອັ​ຟ​ກາ​ນີ​ສະ​ຖານ_fororder_d62a6059252dd42a5e7243362a9767bcc8eab86d

ວັນ​ທີ 26 ມັງ​ກອນ​ນີ້, ທ່ານ​ກູ​ເຕ​ເລ​ສ ເລ​ຂາ​ທິ​ການ​ໃຫຍ່​ອົງ​ການ ສ​ປ​ຊ ກ່າວ​ວ່າ: ສະ​ຖາ​ນະ​ການ​ໃນ​ອັ​ຟ​ກາ​ນີ​ສະ​ຖານ​ພວມ​ຢູ່​ໃນ​ໄລ​ຍະອັນ​ຕະ​ລາຍ​ທີ່​ສຸດ, ປະ​ຊາ​ຄົມ​ໂລກ​ຕ້ອງ​ເພີ່ມ​ການ​ເຄື່ອນ​ໄຫວ​ດ້ານ​ມະ​ນຸດ​ສະ​ທຳ​ຢູ່​ອັ​ຟ​ກາ​ນີ​ສະ​ຖານ ເພື່ອ​ຊ່ວຍຊີ​ວິດ​ໃຫ້ຫຼາຍກວ່າ​ເກົ່າ.

ທ່ານ​ກູ​ເຕີ​ເລ​ສ ໄດ້​ກ່າວ​ໃນ​ກອງ​ປະ​ຊຸມ​ແບບ​ເປີດ​ປະ​ຕູກ່ຽວ​ກັບ​ບັ​ນຫາ​ອັ​ຟ​ກາ​ນີ​ສະ​ຖານ​ຂອງ​ສະ​ພາ​ຄວາມ​ໝັ້ນ​ຄົງ​ອົງ​ການ ສ​ປ​ຊ ທີ່​ຈັດ​ຂຶ້ນ​ໃນ​ມື້​ດຽວ​ກັນ​ວ່າ: ປະ​ຊາ​ຊົນ​ອັ​ຟ​ກາ​ນີ​ສະ​ຖານ​ພວມ​ຢູ່​ໃນ​ລະ​ດູ​ໜາວ​ທີ່​ຫຍຸ້ງ​ຍາກ, ພວມມີ​ຄວາມ​ລຳ​ບາກ​ຕໍ່​ກັບ​ສະ​ພາບ​ອາ​ກາດ​ທີ່​ເຕັມ​ໄປ​ດ້ວຍ​ຫິ​ມະ​ແລະ​ນ້ຳ​ກ້ອນ. ເຂົາ​ເຈົ້າ​ບໍ່​ພຽງ​ແຕ່​ຕົກ​ຢູ່​​ໃນຄວາມ​ຫຍຸ້ງ​ຍາກ​ຈາກ​ສະ​ພາ​ບ​ພະ​ຍາດ​ໂຄວິດ-19 ເທົ່າ​ນັ້ນ, ຍັງ​ຕ້ອງ​ອົດ​ທົນ​​ຕໍ່​​ໄພ​ອັນ​ຕະ​ລາຍຈາກ​ພະ​ຍາດຫຼາຍ​ຢ່າງ. ທ່ານ​ກູ​ເຕີ​ເລ​ສ ຮຽກ​ຮ້ອງ​ໃຫ້​ປະ​ຊາ​ຄົມ​ໂລກຈົ່ງ​ໃຫ້​ການ​ຊ່ວຍ​ເຫຼືອ​ອັ​ຟ​ກາ​ນີ​ສະ​ຖານ​ ເພື່ອ​ເພີ່ມ​ສະ​ພາບ​ຄ່ອງ​ດ້ານ​ເງິນ​ຕາ, ຊອກ​ຫາວິ​ທີ ​ເພື່ອໃຫ້​ປະ​ເທດ​ຕາ​ເວັນ​ຕົກຍົກ​ເລີກ​ການ​ອາ​ຍັດເງິນ​ຕາ​ຕ່າງ​ປະ​ເທດ​​ຂອງ​ອັ​ຟ​ກາ​ນີ​ສະ​ຖານ ແລະ​ໃຫ້​ທະ​ນາ​ຄານ​ກາງ​ອັ​ຟ​ກາ​ນີ​ສະ​ຖານ​ອາ​ຍັດ​ມີ​ບົດ​ບາດ​ຄືນ​ໃໝ່, ເພື່ອ​ໃຫ້​ເສດ​ຖະ​ກິດ​​ຟື້ນ​ຄືນ​ຈາກ​ຄວາມ​ອັນ​ຕະ​ລາຍ.

ທ່ານ​ກູ​ເຕີ​ເລ​ສ​ ກ່າວ​ວ່າ: ປະ​ຊາ​ຄົມ​ໂລກ​​ຈະ​ເປີດ​ປະ​ຕູຕໍ່ຕາ​ລີ​ບັນ​ຂອງ​ອັ​ຟ​ກາ​ນີ​ສະ​ຖານ​ຕະຫຼອດ​ໄປ. ທ່ານ​ຮຽກ​ຮ້ອງ​ໃຫ້​ຕາ​ລີ​​ບັນ ຮ່ວມ​ມື​ກັບ​ປະ​ຊາ​ຄົມ​ໂລກ​ແລະ​ສະ​ພາ​ຄວາມ​ໝັ້ນ​ຄົງ​ຢ່າງ​ໃກ້​ຊິດ, ສະ​ກັດ​ກັ້ນ​ໄພ​ຂົ່ມ​ຂູ່​ຈາກ​ລັດ​ທິກໍ່​ການ​ຮ້າຍ, ສ້າງ​ອົງ​ການ​ທີ່​ສາ​ມາດ​ຊຸກ​ຍູ້​ຄວາມ​ໝັ້ນ​ຄົງ​ໄດ້.

ຄຳ​ເຫັນ

0