ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມສະຖິຕິຈາກວິທະຍຸໂທລະພາບຍີ່ປຸ່ນຫຼື NHK ສະແດງໃຫ້ເຫັນວາ: ນັບມາຮອດເວລາ 16 ໂມງຂອງວັນທີ 28 ມັງກອນນີ້ຕາມເວລາວຽງຈັນ, ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຕໍ່ມື້ຢູ່ຍີ່ປຸ່ນໃນມື້ດັ່ງກ່າວໄດ້ມີຫຼາຍກວ່າ 80 ພັນກໍລະນີເປັນເທື່ອທຳອິດ, ລວມທັງໝົດມີເຖິງ 2.520.646 ກໍລະນີ; ຈຳນວນຜູ້ເສຍຊີວິດເພີ່ມໃໝ່ຕໍ່ມື້ຍ້ອນເປັນພະຍາດມີ 43 ກໍລະນີ, ລວມທັງໝົດມີເຖິງ 18.707 ກໍລະນີ.
ຕົວເລກສະຖິຕິຍັງສະແດງໃຫ້ເຫັນວ່າ: ວັນທີ 28 ມັງກອນນີ້, ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຕໍ່ມື້ຢູ່ນະຄອນຫຼວງໂຕກຽວມີເຖິງ 17.631 ກໍລະນີ, ໄດ້ສ້າງສະຖິຕິສູງສຸດເປັນມື້ທີ 4 ຕິດຕໍ່ກັນ, ສ່ວນຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຕໍ່ມື້ຢູ່ແຂວງໂອຊາກາກໍ່ໄດ້ມີຫຼາຍກວ່າ 10 ພັນກໍລະນີເປັນເທື່ອທຳອິດ. ພະຍາດໂຄວິດ-19 ຍັງສືບຕໍ່ແຜ່ລະບາດຢູ່ຫຼາຍເຂດໃນຍີ່ປຸ່ນຢ່າງວ່ອງໄວ.
ຄຳເຫັນ
0