ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຜ່ານການບິນໄລຍະທາງຍາວ 1 ໝື່ນກວ່າກິໂລແມັດ, ໜ່ວຍປະຕິບັດງານຂົນສົ່ງທາງອາກາດທີ່ນຳໃຊ້ເຮືອບິນຂົນສົ່ງ ຢຸ້ນ-20 ສອງລຳຂອງກອງທັບອາກາດຈີນໄດ້ຂົນສົ່ງເຄື່ອງຊ່ວຍເຫຼືອໄປຮອດສະໜາມບິນສາກົນນຸກອາໂລຟາ ນະຄອນຫຼວງປະເທດຕົງກາແລ້ວ.
ພາຍຫຼັງພູເຂົາໄຟຕົງກາລະເບີດໄດ້ເຮັດໃຫ້ເກີດມີໄພພິບັດຢ່າງໜັກໜ່ວງ, ໂດຍຕອບສະໜອງຕາມຄວາມຮຽກຮ້ອງຕ້ອງການຂອງປະເທດຕົງກາທີ່ຂໍຄວາມຊ່ວຍເຫຼືອເພື່ອບັນເທົາທຸກ, ກອງທັບອາກາດຈີນໄດ້ສົ່ງເຄື່ອງຊ່ວຍເຫຼືອໄປໃຫ້ປະເທດດັ່ງກ່າວດ້ວຍເຮືອບິນຂົນສົ່ງແລະພາຫະນະອື່ນໆ. ເຮືອບິນຂົນສົ່ງ ຢຸ້ນ-20 ສອງລຳຂອງກອງທັບອາກາດຈີນທີ່ປະຕິບັດໜ້າທີ່ເທື່ອນີ້ແມ່ນບິນອອກຈາກສະໜາມບິນປາຍຢຸນຂອງນະຄອນກວາງໂຈ່ປະເທດຈີນໃນວັນທີ 27 ມັງກອນນີ້ ເຊິ່ງໄດ້ບັນທຸກເຄື່ອງຊ່ວຍເຫຼືອດ່ວນແລະວັດຖຸອຸປະກອນທີ່ໃຊ້ໃນການສ້າງບ້ານແປງເມືອງຄືນໃໝ່ຫຼັງປະສົບໄພມີທັງໝົດ 30 ກວ່າໂຕນ, ໃນນັ້ນລວມທັງອາຫານ ນ້ຳດື່ມ ເຄື່ອງກັ່ນກອງນ້ຳ ຕູບຜ້າເຕັ້ນ ຕຽງພັບ ເຄື່ອງປ້ອງກັນຕົວ ອຸປະກອນສື່ສານ ແລະອື່ນໆ.
ຄຳເຫັນ
0