ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ30ມັງກອນນີ້,ທ່ານ ມູນແຈອິນ ປະທານາທິບໍດີສ.ເກົາຫຼີໄດ້ຈັດກອງປະຊຸມຄົບຄະນະຂອງສະພາຮັກສາຄວາມໝັ້ນຄົງແຫ່ງຊາດຢູ່ຊອງວາໄຕເພື່ອປຶກສາຫາລືເລື່ອງທີ່ສປປເກົາຫຼີໄດ້ຍິງວັດຖຸທີ່ຄ້າຍຄືຂີປະນາວຸດນຳວິຖີໃນຕອນເຊົ້າມື້ດຽວກັນ. ນີ້ເປັນຄັ້ງທຳອິດທີ່ທ່ານ ມູນແຈອິນ ເປັນປະທານຈັດກອງປະຊຸມຂອງສະພາຮັກສາຄວາມໝັ້ນຄົງແຫ່ງຊາດ ຫຼັງຈາກທ່ານຂຶ້ນຮັບຕຳແໜ່ງປະທານາທິບໍດີໃນວັນທີ21ມັງກອນປີ2021ເປັນຕົ້ນມາ.
ຫາງສຽງໃນສ.ເກົາຫຼີເຫັນວ່າ: ທ່ານປະທານາທິບໍດີຕັດສິນໃຈຈັດກອງປະຊຸມຄົບຄະນະຂອງສະພາຮັກສາຄວາມໝັ້ນຄົງແຫ່ງຊາດ ແມ່ນຢາກສະແດງໃຫ້ເຫັນເຖິງທ່າທີອັນເຄັ່ງຂືມຂອງທ່ານທີ່ມີຕໍ່ສປປເກົາຫຼີທີ່ໄດ້ຍິງວັດຖຸຄ້າຍຄືຂີປະນາວຸດໃນເຊົ້າມື້ນີ້. ເມື່ອກ້າວເຂົ້າສູ່ປີ2022ເປັນຕົ້ນມາ,ສປປເກົາຫຼີໄດ້ຍິງຂີປະນາວຸດຫຼາຍເທື່ອ, ຄວາມວິຕົກກັງວົນຂອງປະຊາຊົນສ.ເກົາຫຼີກໍ່ນັບມື້ນັບເພີ່ມຂຶ້ນ.
ວັນທີ30ມັງກອນນີ້ ກົມໃຫຍ່ເສນາທິການປະສົມຂອງສ.ເກົາຫຼີໄດ້ແຈ້ງໃຫ້ຊາບວ່າ: ໃນເວລາ7ໂມງ52ນາທີຕາມເວລາທ້ອງຖິ່ນ,ສປປເກົາຫຼີໄດ້ຍິງວັດຖຸທີ່ຄ້າຍຄືຂີປະນາວຸດນຳວິຖີລູກໜຶ່ງໄປສູ່ເຂດທະເລທາງພາກຕາເວັນອອກຂອງແຫຼມເກົາຫຼີ.
ຄຳເຫັນ
0