ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອີກບໍ່ເທົ່າໃດມື້, ງານກິລາໂອລິມປິກລະດູໜາວປັກກິ່ງກໍຈະໄຂຂຶ້ນແລ້ວ. ວັນທີ 30 ມັງກອນນີ້, ອົງການດ່ານພາສີແຫ່ງຊາດຈີນໄດ້ເຜີຍໃຫ້ຮູ້ວ່າ: ນັບແຕ່ວັນທີ 1 ຫາວັນທີ 29 ມັງກອນປີ 2022, ດ່ານພາສີນະຄອນຫຼວງປັກກິ່ງໄດ້ກວດກາ ແລະຄຸ້ມຄອງຖ້ຽວບິນທີ່ກ່ຽວຂ້ອງກັບງານກິລາໂອລິມປິກລະດູໜາວປັກກິ່ງ 178 ຖ້ຽວລຳ ແລະ ຄົນທີ່ກ່ຽວຂ້ອງກັບງານກິລາໂອລິມປິກລະດູໜາວປັກກິ່ງ 8.018 ເທື່ອຄົນ.
ນອກນີ້, ອົງການພາສີແຫ່ງຊາດຈີນຍັງໄດ້ເຜີຍແຜ່ “ຂໍ້ກຳນົດກ່ຽວກັບການຜ່ານດ່ານສຳລັບງານກິລາໂອລິມປິກລະດູໜາວ ແລະງານກິລາໂອລິມປິກຄົນພິການລະດູໜາວປັກກິ່ງ 2022” ໂດຍໄດ້ໃຫ້ການຊີ້ນຳໃນ 8 ດ້ານຢ່າງລະອຽດ ສຳລັບການຜ່ານດ່ານໃນໄລຍະຈັດງານກິລາໂອລິມປິກລະດູໜາວປັກກິ່ງ.
ດ່ານພາສີນະຄອນຫຼວງປັກກິ່ງ ເຊິ່ງເປັນດ່ານພາສີຂອງເຈົ້າພາບຈັດງານກິລາໂອລິມປິກລະດູໜາວດັ່ງກ່າວ ໄດ້ປະຕິບັດມາດຕະການອຳນວຍຄວາມສະດວກຕ່າງໆ ເພື່ອຮັບປະກັນວັດຖຸຕ່າງໆສຳລັບງານກິລາໂອລິມປິກລະດູໜາວສາມາດຜ່ານດ່ານຢ່າງສະດວກ. ໃນວັນທີ 25 ມີນາ ປີ 2021, ວັດຖຸງວດທຳອິດສຳລັບງານກິລາໂອລິມປິກລະດູໜາວໄດ້ຜ່ານດ່ານເຂົ້າຈີນ ແລະຮອດວັນທີ 25 ມັງກອນປີ 2022, ວັດຖຸຕ່າງໆໄດ້ຂົນສົ່ງເຂົ້າຈີນເກືອບທັງໝົດແລ້ວ. ດ່ານພາສີນະຄອນຫຼວງປັກກິ່ງໄດ້ກວດກາ ແລະອະນຸຍາດເຄື່ອງທີ່ກ່ຽວຂ້ອງກັບງານກິລາໂອລິມປິກລະດູໜາວ 890 ງວດ ເຊິ່ງມີມູນຄ່າປະມານ 2.339.000.000 ຢວນ.
ຄຳເຫັນ
0