ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເພື່ອສະຫຼອງບຸນກຸດຈີນຄັ້ງທຳອິດພາຍຫຼັງເປີດການນຳໃຊ້ທາງລົດໄຟລາວ-ຈີນ, ພະນັກງານຂອງສະຖານີຕ່າງໆຕາມທາງລົດໄຟລາວ-ຈີນ ໄດ້ປະດັບປະດາສະຖານີຂອງຕົນຢ່າງລະອຽດ, ມອບຂອງຂວັນ ແລະສົ່ງຄຳອວຍພອນ ໃຫ້ຜູ້ໂດຍສານທ້ອງຖິ່ນຕ່າງໆສາມາດຂີ່ລົດໄຟກັບບ້ານຢ່າງປອດໄພ ພ້ອມດ້ວຍຄວາມອົບອຸ່ນໃນໃຈ.
ກ່ອນເປີດນຳໃຊ້ທາງລົດໄຟລາວ-ຈີນ, ຈາກນະຄອນພູເອີ ຂີ່ລົດໄປນະຄອນຄຸນໝີງ ຕ້ອງໃຊ້ເວລາປະມານ 7 ຊົ່ວໂມງ. ພາຍຫຼັງເປີດນຳໃຊ້ທາງລົດໄຟລາວ-ຈີນແລ້ວ, ຂີ່ລົດໄຟຄວາມໄວສູງໄປຄຸນໝີງ ໃຊ້ເວລາພຽງແຕ່ 3 ຊົ່ວໂມງເທົ່ານັ້ນ. ໃນຫຼາຍມື້ມໍ່ໆມານີ້, ຈຳນວນຜູ້ໂດຍສານທີ່ຂຶ້ນລົດ ແລະລົງລົດຢູ່ສະຖານີພູເອີມີປະມານ 10.000 ຄົນຕໍ່ມື້, ຫຼາຍສຸດມີເຖິງ 15.000 ກວ່າຄົນ ເຊິ່ງຫຼາຍກວ່າເກືອບໜຶ່ງເທົ່າເມື່ອທຽບກັບຍາມທຳມະດາ.
ໃນມື້ນີ້ ກໍຄືມື້ສົ່ງທ້າຍປີເກົ່າ ແລະຕ້ອນຮັບປີໃໝ່ຕາມຈັນທະຄະຕິຈີນ, ຢູ່ສະຖານີແຫ່ງຕ່າງໆຕາມທາງລົດໄຟລາວ-ຈີນຕອນຢູ່ປະເທດລາວ ກໍເຕັມໄປດ້ວຍບັນຍາກາດສະຫຼອງບຸນກຸດຈີນເຊັ່ນກັນ. ພະນັກງານທັງລາວ ແລະຈີນຕ່າງກໍມີຄວາມຮັບຜິດຊອບຕໍ່ໜ້າທີ່ວຽກງານຂອງຕົນ, ໃນຂະນະດຽວກັນກໍສະຫຼອງບຸນກຸດຈີນຢ່າງເບີກບານມ່ວນຊື່ນ.
ຄຳເຫັນ
0