ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວລາຍງານວ່າ: ມາຮອດເວລາ 21 ໂມງ 28 ນາທີຂອງວັນທີ 1 ກຸມພານີ້, ລາຍຮັບຈາກການຂາຍປີ້ຮູບເງົາຢູ່ຈີນໃນມື້ທຳອິດຂອງບຸນກຸດຈີນ 2022 ໄດ້ບັນລຸ 1 ຕື້ 500 ລ້ານຢວນ ເຊິ່ງເປັນອັນດັບທີ 2 ຂອງລາຍຮັບຈາກການຂາຍປີ້ຕໍ່ມື້ໃນປະຫວັດສາດຮູບເງົາຈີນ. ນອກນີ້, ຮອບສາຍຮູບເງົາໃນມື້ດັ່ງກ່າວລວມມີ 535.900 ຮອບ ເຊິ່ງໄດ້ສ້າງສະຖິຕິໃໝ່ຂອງຈຳນວນຮອບສາຍຮູບເງົາຕໍ່ມື້ໃນປະຫວັດສາດຮູບເງົາຈີນ.
ຮູບເງົາຈີນ 8 ເລື່ອງໄດ້ສາຍຮອບປະຖົມມະເລີກໃນມື້ຂຶ້ນໜຶ່ງຄ່ຳຂອງບຸນກຸດຈີນ, ໃນນັ້ນ, ມີ 5 ເລື່ອງສາມາດສ້າງລາຍຮັບຈາກການຂາຍປີ້ເຂົ້າຊົມໃນມື້ທຳອິດໄດ້ຫຼາຍກວ່າ 100 ລ້ານຢວນ. ຮູບເງົາເລື່ອງບັ້ນຮົບໜອງສາງຈີ່ນພາກສອງ(The Battle at Lake Changjin II) ສາມາດສ້າງລາຍຮັບຈາກການຂາຍປີ້ເຂົ້າຊົມໄດ້ເຖິງ 665 ລ້ານຢວນ ເຊິ່ງຫຼາຍກວ່າລາຍຮັບທີ່ເປັນ 205 ລ້ານຢວນ ຂອງຮູບເງົາເລື່ອງບັ້ນຮົບໜອງສາງຈີ່ນ (The Battle At Lake Changjin) ແລະກາຍເປັນຮູບເງົາເລື່ອງສົງຄາມທີ່ສາມາດສ້າງລາຍຮັບຈາກການຂາຍປີ້ເຂົ້າຊົມໄດ້ຫຼາຍທີ່ສຸດໃນມື້ທຳອິດການສາຍຮູບເງົາໃນປະຫວັດສາດຮູບເງົາຂອງແຜ່ນດິນໃຫຍ່ຈີນ.
ຄຳເຫັນ
0