ວັນທີ 2 ກຸມພານີ້, ກະຊວງປ້ອງກັນປະເທດອາເມຣິກາປະກາດຈະເພີ່ມສົ່ງ ກຳລັງທະຫານໄປປະຈຳການຢູ່ເອີຣົບ, ເພື່ອຮັບມືກັບສະຖານະການອັນເຄັ່ງຕຶງ ຢູ່ເຂດຊາຍແດນລະຫວ່າງຣັດເຊຍກັບອູແກຼນ. ກ່ຽວກັບເລື່ອງນີ້, ທ່ານອາເລັກ ແຊນເດີ ກຣູສໂຄ　　　ຮອງລັດຖະມົນຕີກະຊວງ ການຕ່າງປະເທດຣັດເຊຍກ່າວວ່າ: ຂໍ້ຕົກລົງຂອງອາເມຣິກາເປັນມາດຕະການ ລັກສະນະທຳລາຍ ເຊິ່ງຈະສ້າງຄວາມເຄັ່ງຕຶງທາງການທະຫານໃຫ້ຮຸນແຮງຂຶ້ນ.

ທ່ານຈອນ ເຄີບີ 　ໂຄສົກກະຊວງປ້ອງກັນປະເທດອາເມຣິກາ　ໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 2 ກຸມພານີ້ວ່າ: ພາຍ　ໃນຫຼາຍມື້ຂ້າງໜ້ານີ້  ອາເມຣິກາຈະຈັດສັນກຳລັງທະຫານປະມານ 2000 ຄົນ　ຈາກຖານທັບບົກປຼັກ ຄາແຊວ ຢູ່ລັດໂນສຄາໂຣລາຍນາ ເພື່ອເດີນທາງໄປປະຈຳການຢູ່ເຢຍລະມັນ ແລະໂປໂລຍ ແລະຈະຈັດສັນກຳລັງທະຫານປະມານ 1000 ຄົນ　ທີ່ປະຈຳການຢູ່ເຢຍລະມັນໃນປັດຈຸບັນໄປປະຈຳການຢູ່ຣູມານີ.