ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 4 ກຸມພານີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານວະລາດີເມຍ ປູຕິນ ປະທານາທິບໍດີຣັດເຊຍຢູ່ຫໍຮັບແຂກເມືອງຕ້ຽວອີທາຍທີ່ນະຄອນຫຼວງປັກກິ່ງ.
ນີ້ແມ່ນການພົບປະກັນຄັ້ງທີ 38 ລະຫວ່າງທ່ານສີຈິ້ນຜິງກັບທ່ານປູຕິນນັບແຕ່ທ່ານສີຈິ້ນຜິງໄດ້ຮັບເລືອກຕັ້ງເປັນປະທານປະເທດຈີນໃນປີ 2013 ເປັນຕົ້ນມາ, ກໍແມ່ນການພົບປະກັນແບບອອຟລາຍຄັ້ງທຳອິດລະຫວ່າງເພື່ອນມິດເກົ່າສອງທ່ານນັບແຕ່ເກີດມີການແຜ່ລະບາດຂອງພະຍາດໂຄວິດ-19 ເປັນຕົ້ນມາ, ເຊິ່ງເຮັດໃຫ້ “ການນັດພົບໃນງານກິລາໂອລິມປິກລະດູໜາວ” ໄດ້ປາກົດຜົນເປັນຈິງ. ເດືອນກຸມພາປີ 2014, ໂດຍຕອບສະໜອງຕາມຄຳເຊີນຂອງທ່ານປູຕິນ, ທ່ານສີຈິ້ນຜິງໄດ້ເດີນທາງໄປຣັດເຊຍໂດຍສະເພາະເພື່ອເຂົ້າຮ່ວມພິທີເປີດງານກິລາໂອລິມປິກລະດູໜາວຢູ່ໂຊຊີ, ເຊິ່ງເປັນປະມຸກລັດຈີນທ່ານທຳອິດທີ່ເຂົ້າຮ່ວມພິທີເປີດງານແຂ່ງຂັນກິລາສາກົນຂະໜາດໃຫຍ່ຢູ່ຕ່າງປະເທດ. ທ່ານປູຕິນເປັນປະມຸກລັດທ່ານທຳອິດໃນໂລກທີ່ໄດ້ສະແດງທ່າທີຢ່າງຈະແຈ້ງວ່າຈະເຂົ້າຮ່ວມງານກິລາໂອລິມປິກລະດູໜາວປັກກິ່ງປີ 2022. ການເດີນທາງໄປນະຄອນຫຼວງປັກກິ່ງຄັ້ງນີ້ກໍແມ່ນການຢ້ຽມຢາມຕ່າງປະເທດຄັ້ງທຳອິດຂອງທ່ານປູຕິນໃນປີນີ້, ກໍເປັນແຜນການຢ້ຽມຢາມຕ່າງປະເທດພຽງໜຶ່ງດຽວນັບມາຮອດປັດຈຸບັນນີ້.
ຄຳເຫັນ
0