ວັນທີ 4 ກຸມພານີ້,ທ່ານອັນໂຕນີໂອ ກູເຕີເລັສ ເລຂາທິການໃຫຍ່ອົງການ ສະຫະປະຊາຊາດທີ່ມາປະເທດຈີນເພື່ອເຂົ້າຮ່ວມພິທີເປີດງານກິລາໂອລິມປິກລະດູໜາວປັກກິ່ງປີ2022ໄດ້ໃຫ້ການສຳພາດໂດຍສະເພາະຂອງນັກຂ່າວສະຖານີວິທະຍຸໂທລະພາບສູນກາງຈີນຫຼືＣＭＧ.ທ່ານກູເຕີເລັສກ່າວວ່າ, ວຽກງານຈັດ ງານກິລາໂອລິມປິກລະດູໜາວປັກກິ່ງແມ່ນມີປະສິດທິພາບແລະດີເດ່ັນ,ທ່ານຍັງ ໄດ້ຜ່ານ  ＣＭＧເພື່ອສົ່ງຄຳອວຍພອນປີໃໝ່ໄປຍັງປະຊາຊົນຈີນ.

 ທ່ານກູເຕີເລັສເຫັນວ່າ,ວິໄສທັດຂອງປະເທດຈີນທີ່ຊຸກຍູ້ໃຫ້ປະຊາຊົນ300ລ້ານ ຄົນເຂົ້າຮ່ວມກິລາຫິມະແລະນ້ຳກ້ອນໄດ້ເຮັດໃຫ້ປະຊາຊົນນັບມື້ນັບຫຼາຍມັກກິລາຫິມະແລະນ້ຳກ້ອນ.ງານກິລາໂອລິມປິກລະດູໜາວປັກກິ່ງແມ່ນໂອກາດທີ່ດີທີ່ສຸດ ເຊິ່ງສາມາດເພີ່ມຄວາມສາມັກຄີຂອງທົ່ວໂລກ.ງານກິລາໂອລິມປິກລະດູໜາວປັກກິ່ງໄດ້ສົ່ງສັນຍານທີ່ຕັ້ງໜ້າທີ່ຢູ່ເໜືອກວ່າງານກິລາໂອລິມປິກເອງເຊິ່ງກໍ່ຄືຈະຖືກ ພະຍາດໂຄວິດ-19ຕີແພ້ບໍ່ໄດ້,ຕ້ອງສາມັກຄີເປັນຈິດໜຶ່ງໃຈດຽວ.ວຽກງານການ ຈັດງານກິລາໂອລິມປິກລະດູໜາວປັກກິ່ງແມ່ນມີປະສິດທິພາບແລະດີເດັ່ນ,ງານກິລາໂອລິມປິກລະດູໜາວປັກກິ່ງແມ່ນເຫດການມະໂຫລານຂອງໂລກ.

  ແນໃສ່ສິ່ງທ້າທາຍຕ່າງໆທີ່ໂລກປະເຊີນໃນປັດຈຸບັນເປັນຕົ້ນແມ່ນການແຜ່ລະ ບາດຂອງພະຍາດໂຄວິດ-19ແລະການປ່ຽນແປງຂອງດິນຟ້າອາກາດ,ທ່ານກູເຕີ ເລັສເຫັນວ່າ,ປະເທດຈີນໄດ້ລິເລີ່ມແລະສະໜັບສະໜູນການຮ່ວມມືຫຼາຍຝ່າຍມາ ໂດຍຕະຫຼອດ,ທັງນີ້ຈະເປັນການຊຸກຍູ້ຢ່າງແຂງແຮງໃຫ້ປະຊາຄົມໂລກຮ່ວມມືກັນເພື່ອຮັບມືກັບສິ່ງທ້າທາຍທີ່ມີລັກສະນະທົ່ວໂລກ.