ຕາມຂ່າວCRI: ຫວ່າງກ່ອນນີ້ບໍ່ດົນ, ຈີນໄດ້ຍື່ນເອກະສານເຫັນດີຕາມ “ສົນທິສັນຍາມາຣາເຄສວ່າດ້ວຍການອຳນວຍຄວາມສະດວກໃຫ້ແກ່ຄົນຕາບອດ, ຄົນມີພິການທາງສາຍຕາແລະຄົນທີ່ມີຄວາມບໍ່ສະດວກໃນການອ່ານສິ່ງພິມເພື່ອໃຫ້ເຂົາເຈົ້າສາມາດຊົມໃຊ້ຜົນງານທີ່ໄດ້ພິມຈຳໜ່າຍແລ້ວ ” ແກ່ອົງການຊັບສິນທາງປັນຍາໂລກຫຼື WIPO. ຕາມການກຳນົດຂອງສົນທິສັນຍາດັ່ງກ່າວ, ສົນທິສັນຍາຈະມີຜົນບັງຄັບໃຊ້ຢ່າງເປັນທາງການຢູ່ຈີນຫຼັງ 3 ເດືອນຕໍ່ໜ້ານີ້. ສົນທິສັນຍາສະບັບນີ້ແມ່ນສົນທິສັນຍາສິດທິມະນຸດໃນຂົງເຂດລິຂະສິດພຽງສະບັບດຽວໃນປັດຈຸບັນແລະເປັນສະບັບທຳອິດໃນໂລກ, ເຊິ່ງຈະຮັບປະກັນສິດແລະຜົນປະໂຫຍດດ້ານວັດທະນະທຳແລະການສຶກສາຂອງຄົນທີ່ມີຄວາມບໍ່ສະດວກໃນການອ່ານສິ່ງພິມ.