ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ເລື່ອງທີ່ອາເມຣິກາປະກາດແຜນການຂາຍອາວຸດໃຫ້ກັບໄຕ້ຫວັນທີ່ມີມູນຄ່າ 100 ລ້ານໂດລາ, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວທີ່ຈັດຂຶ້ນໃນວັນທີ 8 ກຸມພານີ້ວ່າ: ອາເມຣິກາຂາຍອາວຸດໃຫ້ເຂດໄຕ້ຫວັນຂອງຈີນນັ້ນ, ໄດ້ຝືນກັບຫຼັກການປະເທດຈີນດຽວແລະຖະແຫຼງການຮ່ວມ 3 ສະບັບລະຫວ່າງຈີນ-ອາເມຣິກາ ໂດຍສະເພາະແມ່ນຂໍ້ກຳນົດໃນຖະແຫຼງການ“17 ສິງຫາ”ທີ່ສອງຝ່າຍໄດ້ເຊັນກັນໃນປີ 1982 ນັ້ນຢ່າງໜັກໜ່ວງ, ໄດ້ທຳລາຍຜົນປະໂຫຍດດ້ານອະທິປະໄຕແລະຄວາມໝັ້ນຄົງຂອງປະເທດຈີນຢ່າງໜັກໜ່ວງ ແລະໄດ້ທຳລາຍການພົວພັນລະຫວ່າງຈີນ-ອາເມຣິກາກໍ່ຄືສັນຕິພາບ ສະຖຽນລະພາບຢູ່ຊ່ອງແຄບໄຕ້ຫວັນຢ່າງໜັກໜ່ວງ. ຈີນເດັດດ່ຽວຄັດຄ້ານ ແລະກ່າວປະນາມເລື່ອງນີ້ຢ່າງຮຸນແຮງ.
ທ່ານຈ້າວລີ້ຈ່ຽນຍັງກ່າວວ່າ: ອາເມຣິກາຄວນເຄົາລົບແລະປະຕິບັດຕາມຫຼັກການປະເທດຈີນດຽວແລະຂໍ້ກຳນົດທີ່ລະບຸໄວ້ໃນຖະແຫຼງການຮ່ວມ 3 ສະບັບລະຫວ່າງຈີນ-ອາເມຣິກາ, ຍົກເລີກແຜນການຂາຍອາວຸດໃຫ້ກັບໄຕ້ຫວັນໃນທັນທີ, ຢຸດຕິການຂາຍອາວຸດໃຫ້ກັບໄຕ້ຫວັນແລະຕັດຂາດການພົວພັນທາງການທະຫານລະຫວ່າງອາເມຣິກາກັບໄຕ້ຫັວນ. ຈີນຈະໃຊ້ມາດຕະການທີ່ຖືກຕ້ອງຕາມກົດໝາຍແລະເຂັ້ມແຂງ ເພື່ອປົກປ້ອງຜົນປະໂຫຍດດ້ານອະທິປະໄຕແລະຄວາມໝັ້ນຄົງຂອງຕົນຢ່າງເດັດດ່ຽວໜຽວແໜ້ນ.
ຄຳເຫັນ
0