ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄະນະກຳມະການຈັດງານກິລາໂອລິມປິກລະດູໜາວປັກກິ່ງໄດ້ແຈ້ງໃຫ້ຮູ້ວ່າ: ອົງການກວດກາຄວາມໂປ່ງໃສແລະຄວາມຊື່ສັດສາກົນຫຼື ITA ໄດ້ເຜີຍແຜ່ບົດລາຍງານສະບັບໜຶ່ງໃນວັນທີ 9 ກຸມພານີ້ໂດຍລະບຸວ່າ: ການກວດຫາສານກະຕຸ້ນນຳທ້າວ ໂຮສເຊັນ ຊາວີ ເຊັມຊາຄີ ນັກກິລາສະກີເທິງພູຂອງອີຣານມີຄວາມຜິດປົກກະຕິ.
ນີ້ແມ່ນຄັ້ງທຳອິດທີ່ຄະນະກຳມະການດັ່ງກ່າວເປີດເຜີຍຜົນການກວດສານກະຕຸ້ນທີ່ຜິດປົກກະຕິນັບແຕ່ເລີ່ມການແຂ່ງຂັນງານກິລາໂອລິມປິກລະດູໜາວປັກກິ່ງເປັນຕົ້ນມາ.
ຕົວຢ່າງດັ່ງກ່າວແມ່ນໄດ້ຮັບຈາກການກວດສານກະຕຸ້ນຄັ້ງໜຶ່ງຢູ່ເຂດແຂ່ງຂັນປັກກິ່ງໃນວັນທີ 7 ກຸມພານີ້,ແລະຜົນກວດຈາກຫ້ອງທົດລອງໄດ້ຮັບຄວາມເຫັນດີຈາກອົງການຕ້ານສານກະຕຸ້ນສາກົນ(WADA) ໃນວັນທີ 9 ກຸມພານີ້.
ບົດລາຍງານລະບຸວ່າ: ປັດຈຸບັນ, ນັກກິລາຄົນດັ່ງກ່າວໄດ້ຮັບຊາບຜົນກວດແລ້ວ,ແລະໃຫ້ຢຸດຕິການເຂົ້າຮ່ວມການແຂ່ງຂັນເປັນການຊົ່ວຄາວ. ອີງຕາມຂໍ້ກຳນົດ,ນັກກິລາຄົນນີ້ສາມາດຍື່ນອຸທອນໄດ້ພ້ອມທັງມີສິດຮ້ອງຂໍຕົວຢ່າງທີ່ເກັບສຳຮອງໄວ້ເພື່ອນຳໄປກວດອີກເທື່ອໜຶ່ງ.
ຄຳເຫັນ
0