ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປີນີ້ແມ່ນປີທີ່ທ່ານຣິຊາດ ນິກຊັນ ອະດີດປະທານາທິບໍດີອາເມຣິກາຢ້ຽມຢາມປະເທດຈີນກໍ່ຄືວັນລົງນາມຮ່ວມໃນ“ຖະແຫຼງການຊຽງໄຮ້”ຄົບຮອບ 50 ປີ. ຕອນບ່າຍວັນທີ 10 ກຸມພານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ແນະນຳໃນກອງປະຊຸມຂ່າວວ່າ: ຍັງອີກບໍ່ດົນ, ຈີນແລະອາເມຣິກາຈະຈັດກິດຈະກຳຕ່າງໆເພື່ອລະນຶກວັນດັ່ງກ່າວ, ເພື່ອຫວນຄືນປະຫວັດສາດແລະຈ້ອງເບິ່ງອະນາຄົດຮ່ວມກັນ. ຈີນຈະແຈ້ງສະພາບການທີ່ກ່ຽວຂ້ອງຢ່າງທັນການ.
ທ່ານຈ້າວລີ້ຈ່ຽນຊີ້ໃຫ້ເຫັນວ່າ: “ຖະແຫຼງການຊຽງໄຮ້”ແມ່ນຖະແຫຼງການຮ່ວມສະບັບທຳອິດລະຫວ່າງຈີນແລະອາເມຣິກາ ເຊິ່ງໄດ້ກຳນົດຫຼັກການທີ່ຄວນຈັດຕັ້ງປະຕິບັດໃນການຂະຫຍາຍການພົວພັນລະຫວ່າງສອງປະເທດ, ໂດຍສະເພາະແມ່ນຫຼັກການປະເທດຈີນດຽວເຊິ່ງໄດ້ກາຍເປັນພື້ນຖານທາງການເມືອງທີ່ເຮັດໃຫ້ການພົວພັນລະຫວ່າງຈີນ-ອາເມຣິກາຫັນເປັນປົກກະຕິແລະໄດ້ສ້າງຕັ້ງສາຍພົວພັນທາງການທູດນຳກັນ.
ຄຳເຫັນ
0