ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານໂທມັສ ບັກສ, ປະທານຄະນະກຳມະການໂອລິມປິກສາກົນກ່າວວ່າ: ງານກິລາໂອລິມປິກລະດູໜາວປັກກິ່ງທີ່ກຳລັງຈັດຂຶ້ນນັ້ນ ໄດ້ຂຽນປະຫວັດສາດໜ້າໃໝ່ສຳລັບທົ່ວໂລກ, ຈຳນວນຄົນທີ່ເຂົ້າຮ່ວມກິລາຫິມະ ແລະນ້ຳກ້ອນໃນທົ່ວໂລກໄດ້ເພີ່ມຂຶ້ນ 300 ລ້ານຄົນ.
ຕາມຂໍ້ມູນຈາກອົງການສະຖິຕິແຫ່ງຊາດຈີນສະແດງໃຫ້ເຫັນວ່າ: ນັບແຕ່ຈີນໄດ້ຮັບສິດເປັນເຈົ້າພາບຈັດງານກິລາໂອລິມປິກລະດູໜາວໃນປີ 2015 ເປັນຕົ້ນມາ, ມີປະຊາຊົນ 346.000.000 ໄດ້ເຂົ້າຮ່ວມກິລາຫິມະ ແລະນ້ຳກ້ອນ ເຊິ່ງໄດ້ປະຕິບັດຕາມຄຳໝັ້ນສັນຍາຂອງຕົນທີ່ໃຫ້ໄວ້ໃນເວລາຮ້ອງຂໍເປັນເຈົ້າພາບຈັດງານກິລາດັ່ງກ່າວ. ຕາມຂໍ້ມູນຈາກກະຊວງການຄ້າຈີນໃຫ້ຮູ້ວ່າ: ນັບມາຮອດທ້າຍເດືອນມັງກອນປີ 2022, ຍອດມູນຄ່າຈຳໜ່າຍອຸປະກອນກິລາສະກີໄດ້ເພີ່ມຂຶ້ນ 51,9% ເມື່ອທຽບໃສ່ໄລຍະດຽວກັນຂອງປີທີ່ຜ່ານມາ, ຍອດມູນຄ່າຈຳໜ່າຍເຄື່ອງທີ່ລະນຶກຂອງງານກິລາໂອລິມປິກລະດູໜາວໄດ້ເພີ່ມຂຶ້ນ 26,9 ເທົ່າເມື່ອທຽບໃສ່ໄລຍະດຽວກັນຂອງປີທີ່ຜ່ານມາ, ຍອດມູນຄ່າຈຳໜ່າຍປີ້ເຂົ້າສວນສະໜຸກຫິມະ ແລະນ້ຳກ້ອນໄດ້ເພີ່ມຂຶ້ນ 131,5% ເມື່ອທຽບໃສ່ໄລຍະດຽວກັນຂອງປີທີ່ຜ່ານມາ ແລະຍອດມູນຄ່າຈຳໜ່າຍປີ້ເຂົ້າສະໜາມສະກີໄດ້ເພີ່ມຂຶ້ນ 95,2% ເມື່ອທຽບໃສ່ໄລຍະດຽວກັນຂອງປີທີ່ຜ່ານມາ.
ນອກນີ້, ແຜນການພັດທະນາກິລາຫິມະ ແລະນ້ຳກ້ອນ (ປີ 2016 - 2025) ຂອງຈີນ ຍັງໄດ້ວາງເປົ້າໝາຍທີ່ສູງກວ່າເກົ່າ ຄື: ເມື່ອຮອດປີ 2025, ຍອດມູນຄ່າຂອງຂະແໜງການຫິມະ ແລະນ້ຳກ້ອນຂອງຈີນຈະບັນລຸເຖິງ 1.000 ຕື້ຢວນ.
ຄຳເຫັນ
0