覃海芳

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ອົງການກວດກາສານກະຕຸຸ້ນສາກົນຖະແຫຼງຂ່າວກ່ຽວກັບນັກກິລາຣັດເຊຍໃຊ້ສານກະຕຸ້ນ

2022-02-12 14:48:59 cri

ອົງການກວດກາສານກະຕຸຸ້ນສາກົນຖະແຫຼງຂ່າວກ່ຽວກັບນັກກິລາຣັດເຊຍໃຊ້ສານກະຕຸ້ນ_fororder_2月6日比赛瓦利耶娃
 

ນາງວາລີເຢວາໃນການແຂ່ງຂັນຂອງງານກິລາໂອລິມປິກລະດູຫນາວປັກກິ່ງທີ່ຈັດຂຶ້ນໃນວັນທີ 6 ກຸມພານີ້
 

ວັນທີ 11 ກຸມພານີ້, ອົງການກວດກາສານກະຕຸ້ນສາກົນ‍ຫຼື ITA ໄດ້ອອກຖະແຫຼງການກ່ຽວກັບຜົນກວດສານກະຕຸ້ນຂອງນາງ ຄາມີລາ ວາລີເຢວາ ນັກກິລາສະເກັດລີລາຂອງຄະນະກຳມະການໂອລິມປິກຣັດເຊຍເປັນບວກ.
 

   ໃນຖະແຫຼງການຂອງITAໄດ້ລະບຸວ່າ: ອົງການຕ້ານສານກະຕຸ້ນຣັດເຊຍ ໄດ້ເກັບຕົວຢ່າງກ່ຽວຂ້ອງຂອງນາງວາລີເຢວາໃນວັນທີ 25 ທັນວາປີ2021. ຜ່ານການກວດກາຈາກອົງການຕ້ານສານກະຕຸ້ນໂລກໄດ້ພົບວ່າ ຕົວຢ່າງດັ່ງ ກ່າວມີສານ Trimetazidine ເຊິ່ງເປັນສານຕ້ອງຫ້າມທີ່ບໍ່ແມ່ນ ຊະນິດສະເພາະ. ສະນັ້ນ ອົງການຕ້ານສານກະຕຸ້ນຣັດເຊຍໄດ້ປະຕິບັດມາດຕະ ການຫ້າມບໍ່ໃຫ້ນາງວາລີເຢວາເຂົ້າຮ່ວມການແຂ່ງຂັນເປັນການຊົ່ວຄາວໃນທັນທີ. ນາງວາລີເຢວາໄດ້ຍື່ນຄຳອຸທອນຕໍ່ຄະນະກຳມາທິການວິໄນຂອງອົງການຕ້ານສານກະຕຸ້ນຣັດເຊຍໃນວັນທີ 9 ກຸມພານີ້. ຫຼັງຈາກງານຟັງຄຳໃຫ້ການແລ້ວ, ກໍໄດ້ຍົກເລີກມາດຕະການຫ້າມເຂົ້າຮ່ວມການແຂ່ງຂັນໃນຄືນດຽວກັນ. ນາງວາລີ ເຢວາໄດ້ຮັບອະນຸຍາດໃຫ້ເຂົ້າຮ່ວມການແຂ່ງຂັນໃນງານກິລາໂອລິມປິກລະດູ ໜາວປັກກິ່ງ.
 

ເນື່ອງຈາກວ່າ ການແຂ່ງຂັນສະເກັດລີລາຍິງດ່ຽວຂອງງານກິລາໂອລິມປິກ ລະດູໜາວປັກກິ່ງຈະຈັດຂຶ້ນໃນວັນທີ 15 ກຸມພານີ້, ແນໃສ່ຂໍ້ຕົກລົງກ່ຽວກັບ ການຍົກເລີກມາດຕະການຫ້າມເຂົ້າຮ່ວມການແຂ່ງຂັນດັ່ງກ່າວ, ອົງການກວດກາສານກະຕຸ້ນສາກົນຢືນຢັນວ່າ: ຄະນະກຳມະການໂອລິມປິກສາກົນໄດ້ຕົກລົງ ແລ້ວວ່າຈະຍື່ນຄຳຮ້ອງຟ້ອງຕໍ່ສານກິລາສາກົນແລະຫວັງວ່າຈະໄດ້ຮັບຄຳຕອບຈາກສານດັ່ງກ່າວກ່ອນວັນທີ 15 ກຸມພານີ້.

ຄຳ​ເຫັນ

0