ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ກຸມພານີ້, ໃນການແຂ່ງຂັນຂອງງານກິລາໂອລິມປິກລະດູໜາວປັກກິ່ງ, ທ້າວຢູຊຸຣູ ຮານຢູ(Yuzuru Hanyu), ນັກກິລາສະເກັດລີລາຂອງຍີ່ປຸ່ນໄດ້ສະແດງທ່າເຕັ້ນສີ່ຮອບເຄິ່ງ ເຊິ່ງເປັນທ່າທີ່ມີລະດັບຄວາມຍາກສູງ ແຕ່ບໍ່ໄດ້ປະສົບຜົນສຳເລັດ ແລະລົ້ມ. ເຖິງເປັນແນວນີ້ກໍຕາມ, ທ້າວຢູຊຸຣູ ຮານຢູ ກໍໄດ້ຮັບການຕົບມືຊົມເຊີຍຈາກຜູ້ຊົມທັງຫຼາຍຢູ່ສະໜາມແຂ່ງຂັນ. ສື່ມວນຊົນຕ່າງປະເທດຫຼາຍແຫ່ງໄດ້ລາຍງານກ່ຽວກັບເລື່ອງນີ້.
BBC, ໜັງສືພິມ The Independent ຂອງອັງກິດ ແລະສື່ມວນຊົນຕ່າງປະເທດອື່ນໆໄດ້ລາຍງານວ່າ: ທ້າວຢູຊຸຣູ ຮານຢູ, ນັກກິລາສະເກັດລີລາຍີ່ປຸ່ນທີ່ອາຍຸ 27 ປີ ເປັນນັກກິລາທີ່ໄດ້ຮັບຄວາມນິຍົມຊົມຊອບທີ່ສຸດຢູ່ປະເທດຈີນ. ຢູ່ຕາມສື່ສັງຄົມອອນລາຍຂອງຈີນ, ຫົວຂໍ້ທີ່ກ່ຽວກັບທ້າວຢູຊຸຣູ ຮານຢູ ໄດ້ຮັບຄວາມສົນໃຈຫຼາຍຈາກຊາວເນັດຈີນ. ຊາວເນັດຈີນຈຳນວນຫຼວງຫຼາຍໄດ້ຍ້ອງຍໍລາວວ່າ: ມີຄວາມກ້າຫານໃນການທ້າທາຍທ່າທີ່ມີລະດັບຄວາມຍາກສູງໃນປະຫວັດສາດ; ຍັງມີຊາວເນັດເວົ້າວ່າ: “ບໍ່ວ່າຈະໄດ້ແຊມຫຼືບໍ, ທ້າວຢູຊຸຣູ ຮານຢູກໍເປັນບຸກຄົນທີ່ມີຄວາມມະຫັດສະຈັນໃນປະຫວັດສາດກິລາສະເກັດລີລາ”.
ສື່ມວນຊົນດັ່ງກ່າວຍັງໄດ້ລາຍງານວ່າ: ພາຍຫຼັງການແຂ່ງຂັນສິ້ນສຸດລົງແລ້ວ, ທ່ານນາງຮວ້າຊູນຢິງ, ໂຄສົກກະຊວງການຕ່າງປະເທດຈີນໄດ້ກົດໄລໃຫ້ກັບທ້າວຢູຊຸຣູ ຮານຢູ ຢູ່ຕາມສື່ສັງຄົມອອນລາຍ.
ຄຳເຫັນ
0