ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ກຸມພານີ້, ທ່ານໂຈ ໄບເດັນ ປະທານາທິບໍດີອາເມຣິກາໄດ້ເຊັນດຳລັດກ່ຽວກັບຊັບສິນຂອງທະນາຄານກາງອັຟການິສະຖານຢູ່ອາເມຣິກາທີ່ຖືກອາຍັດໄວ້.
ອີງຕາມການອະທິບາຍຕໍ່ດຳລັດສະບັບນີ້, ທ່ານໂຈ ໄບເດັນຮຽກຮ້ອງໃຫ້ແບ່ງຊັບສິນຂອງທະນາຄານກາງອັຟການິສະຖານທີ່ຢູ່ອາເມຣິກາທີ່ມີມູນຄ່າປະມານ 7 ຕື້ໂດລາສະຫະລັດເປັນສອງພາກສ່ວນເທົ່າໆກັນ, ເຄິ່ງໜຶ່ງໃຊ້ເປັນແຫຼ່ງທຶນຈ່າຍຄ່າຊົດເຊີຍໃຫ້ແກ່ຜູ້ຖືກເຄາະຮ້າຍໃນເຫດການ “11 ກັນຍາ”, ອີກເຄິ່ງໜຶ່ງໂອນເຂົ້າໜຶ່ງບັນຊີໃນທະນາຄານຄັງສຳຮອງສະຫະລັດນະຄອນນິວຢອກ ເພື່ອໃຊ້ເຂົ້າໃນການອັນທີ່ເອີ້ນວ່າ “ຊ່ວຍເຫຼືອປະຊາຊົນອັຟການິສະຖານ”. ໃນຂະນະດຽວກັນ, ທ່ານຍັງໄດ້ກ່າວຢ່າງຈະແຈ້ງວ່າ: ຊັບສິນເຫຼົ່ານີ້ຈະບໍ່ມອບໃຫ້ລັດຖະບານຕາລີບັນ.
ຕໍ່ກໍລະນີດັ່ງກ່າວ, ວັນທີ 11 ກຸມພານີ້, ທ່ານໂມຮາມັດ ນາອິມ ໂຄສົກສຳນັກງານການເມືອງອັຟການິສະຖານປະຈຳໂດຮາປະເທດກາຕາໄດ້ພິມບົດຄວາມລົງສື່ສັງຄົມອອນລາຍ ໂດຍກ່າວປະນາມອາເມຣິກາ “ໂຈນນະກຳ” ຊັບສິນຂອງປະຊາຊົນອັຟການິສະຖານ ແລະ ກ່າວວ່າ: ອາເມຣິກາ “ໄດ້ເສື່ອມຊາມລົງຮອດລະດັບຕ່ຳສຸດໃນດ້ານຄວາມເປັນມະນຸດ ແລະ ດ້ານສິນທຳ”.
ວັນທີ 15 ສິງຫາປີ 2021, ກຸ່ມປະກອບອາວຸດຕາລີບັນໄດ້ເຂົ້າໄປຄວບຄຸມນະຄອນຫຼວງກາບູນປະເທດອັຟການິສະຖານ. ລັດຖະບານໂຈ ໄບເດັນ ໄດ້ອາຍັດເງິນສຳຮອງຕາສະກຸນເງິນຕ່າງປະເທດຂອງທະນາຄານກາງອັຟການິສະຖານໃນທັນທີ.
ຄຳເຫັນ
0