ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ເລື່ອງທີ່ສາຍພົວພັນຣັດເຊຍ-ປະເທດຕາເວັນຕົກສືບຕໍ່ມີຄວາມເຄັ່ງຕຶງຍ້ອນບັນຫາກ່ຽວກັບອູແກຼນໃນຫວ່າງມໍ່ໆມານີ້, ວັນທີ 12 ກຸມພານີ້, ທ່ານ ວະລາດີເມຍ ປູຕີນ ປະທານາທິບໍດີຣັດເຊຍ ແລະທ່ານໂຈ ໄບເດັນ ປະທານາທິບໍດີອາເມຣິກາໄດ້ສົນທະນາກັນຜ່ານທາງໂທລະສັບ. ທ່ານອູຊາໂຄຟ ຜູ້ຊ່ວຍປະທານາທິບໍດີຣັດເຊຍໄດ້ແຈ້ງຂໍ້ມູນສ່ວນໜຶ່ງຂອງການສົນທະນາທາງໂທລະສັບຂອງສອງຝ່າຍ, ໂດຍກ່າວວ່າ: ທ່ານ ວະລາດີເມຍ ປູຕີນໄດ້ຕຳໜິພຶດຕິກຳຂອງປະເທດຕາເວັນຕົກທີ່ສົ່ງກອງທະຫານ ແລະອາວຸດໃຫ້ກັບອູແກຼນ, ເຮັດໃຫ້ສະຖານະການເຄັ່ງຕຶງຂຶ້ນຕື່ມ.
ທ່ານອູຊາໂຄຟກ່າວວ່າ, ຢູ່ຜືນແຜ່ນດິນຣັດເຊຍ, ເຖິງວ່າບໍ່ໄກຈາກຊາຍແດນອູແກຼນກໍຕາມ, ແຕ່ສະຖານະການໄດ້ເຄັ່ງຕຶງຂຶ້ນຍ້ອນການເຄື່ອນໄຫວທາງການທະຫານທີ່ມີຈຸດປະສົງແນໃສ່ຣັດເຊຍໄດ້ດຳເນີນມາເປັນເວລາຫຼາຍເດືອນແລ້ວ, ແຕ່ໃນຫຼາຍມື້ມໍ່ໆມານີ້, ສະຖານະການເປັນຕາຢາກຫົວຂວັນ. ຄວາມຈິງກໍຄືອາເມຣິກາກຳລັງປຸກປັ່ນເລື່ອງທີ່ວ່າ “ຣັດເຊຍຈະຮຸກຮານອູແກຼນຕາມແຜນການ”, ຈົນເຖິງຂັ້ນໄດ້ປະກາດ “ວັນເວລາ”. ພ້ອມດຽວກັນນັ້ນ, ອາເມຣິກາໄດ້ຮ່ວມກັນກັບພັນທະມິດ, ເພີ່ມທະວີກຳລັງດ້ານການທະຫານຂອງຕົນໄປປະຈຳຢູ່ອູແກຼນ.
ຄຳເຫັນ
0